ეკატერინე ტიკარაძე - არ გვაქვს შიში, რომ ვაქცინის დოზების ათვისება ვერ მოხდება

2021-03-25 11:38:23, 545 ნახვა

საზოგადოება

ჩვენ არ გვაქვს განსაკუთრებული შიში, რომ კორონავირუსის საწინააღმდეგო ვაქინების ათვისება ვერ მოხდება, - ამის შესახებ ჯანდაცვის მინისტრმა, ეკატერინე ტიკარაძემ მთავრობის სხდომის დასრულების შემდეგ, ბრიფინგზე განაცხადა.

მინისტრის თქმით, ის ჩავა რეგიონებში და ადგილზე გაეცნობა ვაქცინაციის პროცესს.

„ჩვენ არ გვაქვს განსაკუთრებული შიში, რომ დოზების ათვისება ვერ მოხდება. საბჭოს გააჩნია კალენდარი, რომლის მიხედვითაც ჩვენ ვმსჯელობთ. ჩვენი სტრატეგია, ჩემი პირადად სტრატეგიაა, რომ რეგიონულ დონეზე მე ყველგან გავეცნობი, თუ რა სიტუაციაა და ვაქცინაციის პროცესის ნელა მიმდინარეობას ასევე ადგილზე გავეცნობი, რათა შემდეგ ვიმსჯელოთ მიზეზ-შედეგობრივ კავშირზე“, - განაცხადა ეკატერინე ტიკარაძემ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან