შემოქმედის ეპარქიაში დეკანოზს მღვდელმოქმედება განუსაზღვრელი ვადით აეკრძალა

2021-03-10 17:58:34, 572 ნახვა

საზოგადოება

შემოქმედის ეპარქიის მღვდელმსახურს, დეკანოზ ბასილ კვირჩილაძეს მღვდელმოქმედების უფლება აეკრძალა.

შემოქმედის ეპარქიის მიერ გავრცელებული დოკუმენტიდან ირკვევა, რომ გადაწყვეტილება საპატრიარქოში 3 მარტს მიიღეს, დადგენილება დღეს გამოქვეყნდა.

„კომისიაზე სხვა საკითხებთან ერად განიხილეს შემოქმედის ეპარქიის მღვდელმსახურის დეკანოზ ბასილ კვირიჩალაძის საკითხი. კომისიის წინაშე მოხსენებით წარსდგა შემოქმედელი მიტროპოლიტი იოსები. მიტროპოლიტმა იოსებმა ისაუბრა დეკანოზ ბასილი კვირიჩილაძის ზნეობრივი ხასიათის დარღვევის შესახებ და წარმოადგინა შესაბამისი მკიცებულებები. კომისიამ წარმოდგენილი მტკიცებულებებისა და თავად განსასჯელი სასულიერო პირის პირადი აღიარების საფუძველზე, დეკანოზი ბასილი კვირჩილაძე სცნო დამნაშავედ და მიიღო გადაწყვეტილება, რომ განუსაზღვრელი ვადით აეკრძალოს მღვდელმოქმედება“, - ნათქვამია დადგენილებაში.