ქვეყანაში დღემდე 13 644 ტაქსის მძღოლია გატესტილი და აქედან კორონავირუსი 79-ს დაუდასტურდა, - ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.

მისი თქმით, რელიგიის მსახურებიდან 5 863 პირია გატესტილი და დადებითობის მაჩვენებელი 1,4%-ია.

„ჩვენი ბაზის მიხედვით, დღევანდლამდე 13 644 ტაქსის მძღოლია ქვეყანაში გატესტილი და აქედან 79-ს დაუდასტურდა. 0,6%-ია მაჩვენებელი, საკმაოდ დაბალია ტაქსის მძღოლებში ვირუსის გავრცელება. ბაზრის მოვაჭრე არის გატესტილი 7 284 და 56-ს დაუდასტურდა. ეს არის 0,8%. რელიგიის მსახურებიდან 5 863-ია გატესტილი და დადებითობის მაჩვენებელი 1,4%-ია. რადგან 1-ელი თებერვლიდან იხსნება სავაჭრო მოლები და მაღაზიები, ამიტომ ინტენსიურად დაიწყო ტესტირება. გუშინდელი 24 საათის მონაცემებით, 1 033 ტესტირების მონაცემები მქონდა და არც ერთი დადებითი შემთხვევა არ დაფიქსირებულა. ასევე, სკოლის 1 285 პედაგოგია გატესტილი და 8 იყო დადებითი. რაც შეეხება ტაქსის მძღოლებს, ეს აღრიცხვიანობა მიმდინარეობს, რომელსაც ჩვენი შრომის ინსპექციაც აკვირდება, 2 კვირაში ერთხელ რამდენად იტესტებიან და მიმდინარეობს ამის მონიტორინგი“, - განაცხადა ამირან გამყრელიძემ.

ავტორი: ექსპრესნიუსი,

სოციალური ქსელები

2026 წლის მეორე კვარტალში თბილისში საცხოვრებელი უძრავი ქონების ფასები გაიზარდა

ამ დროისთვის ორივენი არიან სტაბილურად - ექიმი ვერაზე დაჭრილ ახალგაზრდებზე

შსს-მ ონისე ოქრიაშვილზე თავდამსხმელთაგან მხოლოდ ერთი პირი დააკავა

ვერაზე მოკლული 17 წლის ნიკოლოზ ღუნაშვილია, მან ეროვნული გამოცდები წარმატებით ჩააბარა