საცხოვრებელი კორპუსების ინფრასტრუქტურის რეაბილიტაციის მიმართულებით ნაძალადევის რაიონში  მიმდინარე წელს 175 პროექტი განხორციელდა. ასევე, 38 მიმდინარე პროექტი წლის ბოლომდე დასრულდება.

მოძველებული კომუნიკაციების რეაბილიტაცია მიმდინარეობს ცოტნე დადიანის ქუჩა N261-ში, სადაც კორპუსის გარე და შიდა წყალარინების სისტემა ჯამში, 330 გრძივ მეტრზე იცვლება, ასევე, მონტაჟდება 7 საკომუნიკაციო ჭა. ქსელის შეცვლის შემდეგ, ასფალტის საფარი დაიგება. პროექტის ღირებულება 62 700 ლარია.

მიმდინარე სამუშაოებს ნაძალადევის რაიონის გამგებელი ირაკლი ხელაძე გაეცნო. გამგებელი ადგილობრივ მცხოვრებლებსაც შეხვდა.

„ჩვენი ერთ-ერთი პრიორიტეტია მოსახლეობის საცხოვრებელი გარემოს გაუმჯობესება. პანდემიის გამო შექმნილი პრობლემების მიუხედავად, კორპუსების ინფრასტრუქტურის მოწესრიგების მიმართულებით წელს საკმაოდ ნაყოფიერად ვიმუშავეთ. აქტიურად ვთანამშრომლობდით მოსახლეობასთან. 175 ინფრასტრუქტურული პროექტი უკვე დასრულდა, 38 პროექტი კი წლის ბოლომდე დასრულდება. კონკრეტულად, ცოტნე დადიანის 261-ში სახურავი რეაბილიტირდა და ამ ეტაპზე, წყალარინების ქსელი იცვლება“, - განაცხადა ირაკლი ხელაძემ.

ნაძალადევის რაიონის გამგეობის ბინათმესაკუთრეთა ამხანაგობების განვითარების ხელშეწყობის პროგრამის ფარგლებში, 2020 წელს დასრულებული და მიმდინარე ინფრასტრუქტურული პროექტების საერთო ღირებულება 3 113 160 ლარია.

ავტორი: NS (სტატია დაფინანსებულია),

სოციალური ქსელები

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს

სასამართლომ გრიგოლ ლილუაშვილის ნათესავს, ანდრია ლილუაშვილს 12 წლით პატიმრობა მიუსაჯა

ნეტა ჩემი შვილი მომკვდარიყო და ის ბავშვი ყოფილიყო ცოცხალი - დაკავებული ნიკა კაპანაძის დედა