2020-12-08 09:47:37, 1142 ნახვა
მსოფლიო
ანგელა მერკელი - კორონავირუსის წინააღმდეგ დაწესებული ზომები ზამთრის გადასატანად საკმარისი არ იქნება
გერმანიის კანცლერი, ანგელა მერკელი აცხადებს, რომ ქვეყანაში კორონავირუსის წინააღმდეგ დაწესებული შეზღუდვები ზამთრის გადასალახად საკმარისი არ იქნება.
ამის შესახებ ინფორმაციას „როიტერსი“ ავრცელებს.
გამოცემის ცნობით, როგორც მერკელი აღნიშნავს, ქვეყანაში ზომების გამკაცრებაა საჭირო.
„სიტუაცია ძალზე სერიოზული ხდება: ეს ზომები არ იქნება საკმარისი ზამთრის გასატანად“, - განაცხადა მერკელმა თანაპარტიელებთან შეხვედრისას.
ცნობისთვის, გერმანიაში 2 ნოემბრიდან ე.წ. მსუბუქი ლოქდაუნი ამოქმედდა. პანდემიის დაწყებიდან დღემდე, ქვეყანაში კორონავირუსით ინფიცირების 1 200 006 შემთხვევაა გამოვლენილი, საიდანაც გარდაცვლილთა რიცხვი 19 539-ს შეადგენს.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
