ეპიდემიოლოგიური ვითარებიდან გამომდინარე, მეტროსადგურებში - ახმეტელის თეატრი, დიდუბე, სადგურის მოედანი და ვარკეთილი, პიკის საათებში, რიგების მართვის მეშვეობით, მგზავრთა ნაკადის კონტროლი გრძელდება. ამის შესახებ დედაქალაქის მერიის ტრანსპორტისა და ურბანული განვითარების საქალაქო სამსახურის უფროსმა ვიქტორ წილოსანმა განაცხადა. მისი თქმით, აღნიშნული ღონისძიებები  მოქალაქეების ჯანმრთელობისა და უსაფრთხოების  დაცვას ემსახურება.

ტრანსპორტისა და ურბანული განვითარების სამსახურის უფროსი მუნიციპალური ტრანსპორტის მგზავრებს რეგულაციების მაქსიმალური დაცვისკენ მოუწოდებს. 

„ვიცით, რომ გაიზარდა ვირუსით ინფიცირების შემთხვევები   თბილისსა და ზოგადად, საქართველოში, ამიტომ, მნიშვნელოვანია, ჩვენ, მოქალაქეებმა დავიცვათ ჯანდაცვის სამინისტროს დადგენილი ყველა რეგულაცია, რათა თავიდან ავიცილოთ ვირუსის გავრცელება. აქედან გამომდინარე, მუნიციპალიტეტმა გადაწყვიტა, მაქსიმალურად გააკონტროლოს საზოგადოებრივ  ტრანსპორტში აღნიშნული რეგულაციების დაცვის პროცესი. ყველაზე დატვირთულ ადგილებში მიმდინარეობს მგზავრთა ნაკადების მართვა, შესაბამისად, თქვენ შეგხვდებათ ე.წ. რიგის ბარიერები, რომელიც მგზავრთა რიგის მართვისა და კონკრეტულ სადგურებში ადამიანების დიდი რაოდენობით  კონცენტრაციისგან პრევენციის საშუალებას გვაძლევს. ამასთან, ხშირია, ავტობუსებში ადამიანების პირბადეების გარეშე გადაადგილების შემთხვევები, რის გამოც მგზავრთა მონიტორინგის სამსახურის თანამშრომლებს ამ ადამიანების გაფრთხილება და  დაჯარიმება უწევთ. ამავე მიზეზით ავტობუსებიც აგვიანებენ გასვლას. მოვუწოდებ მოქალაქეებს,  მაქსიმალურად დავიცვათ დადგენილი წესები და გავუფრთხილდეთ ერთმანეთის ჯანმრთელობას“, - განაცხადა ვიქტორ წილოსანმა. 

დედაქალაქის მერია თბილისის მეტროპოლიტენში სპეციალურ ღონისძიებებს უწყებათაშორისი საკოორდინაციო საბჭოს რეკომენდაციით ახორციელებს.

ავტორი: NS (სტატია დაფინანსებულია),

სოციალური ქსელები

უკრაინამ სანქტ-პეტერბურგში და ოკუპირებულ სინფიროპოლში Wildberry-ის საწყობები დაბომბა

მშობელი: დიუშენის წამლების შემოტანის ვადა უკვე კრიტიკულ ზღვარს უახლოვდება

სანქტ-პეტერბურგში Wildberries-ის ლოგისტიკურ ცენტრზე უკრაინის იერიშს ძლიერი ხანძარი მოჰყვა

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს