იმნაძე - არასწორი იყო და ცოტა პოპულისტური ჩვენი გადაწყვეტილება გაგვეხსნა კარვები

2020-10-20 22:30:46, 561 ნახვა

კომენტარი

„არასწორი იყო და ცოტა პოპულისტური ჩვენი გადაწყვეტილება გაგვეხსნა კარვები“ , - ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ ტელეკომპანია „ფორმულას“ ეთერში განაცხადა.

მან ასევე აღნიშნა, რომ ტესტირებების მაჩვნებელი, რომელიც საქართველოშია, ბევრ დასავლეთის ქვეყანას შეშურდება.

„აშკარად არასწორი იყო და ცოტა პოპულისტური ჩვენი გადაწყვეტილება გაგვეხსნა კარვები. ბათუმში 5 კარავი იყო, თუ არ ვცდები, გახსნილი. ამან გამოიწვია ის, რომ ყველა ცნობისმოყვარე იკმაყოფილებდა თავის ცნობისმოყვარეობას. ამან გამოიწვია ლაბორატორიების ძალიან გადატვირთვა და ამან გამოიწვია პასუხების დაგვიანება იქ, სადაც პასუხები ადამიანებს დროულად უნდა მიეღოთ.

ტესტირების ის მაჩვენებელი, რომელიც ჩვენ გვაქვს ძალიან ბევრ განვითარებულ დასავლეთ ევროპულ ქვეყანას შეშურდება. უმრავლეს ქვეყნებში, აქ რაც პასუხების დაგვიანებად ითვლება იქ ნორმაა“ , - განაცხადა პაატა იმნაძემ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,