2020-10-12 12:09:15, 479 ნახვა
კომენტარი
ამირან გამყრელიძე - გრიპის საწინააღმდეგო ვაქცინის 25 000 დოზა დასაწყობდა
დაავადებათა ეროვნული ცენტრის ხელმძღვანელმა ამირან გამყრელიძემ განაცხადა,რომ გრიპის საწინააღმდეგო ვაქცინის 25 000 დოზა დასაწყობდა
გამყრელიძის თქმით, დანარჩენი 110 000 დოზა ქვეყანაში 23 ოქტომბრის კვირაში შემოვა.
„გუშინ დასაწყობდა პირველი 25 000 დოზა გრიპის საწინააღმდეგო ფრანგული წარმოების ვაქცინის, რომელიც დღეს რეგიონებში უკვე განაწილდა. დანარჩენი 110 000 დოზა 23 ოქტომბრის კვირაში შემოვა. ეს 25 000 დოზა პირველ ეტაპზე გამოყენებული იქნება ყველა უფრო მაღალი რისკ ჯგუფებისთვის და აიცრებიან ორსულები, მოხუცთა სახლების ბინადრები, ბავშვთა სახლების ბინადრები, ბავშვთა სააღმზრდელო დაწესებულებების პერსონალი, შიდსიანი, ჰეპატიტიანი და დიალეზიანი პაციენტები“, - განაცხადა გამყრელიძემ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
