ხელვაჩაურში მეწყერში მოყოლილი მოზარდის ცხედარი იპოვეს. 16 წლის ბიჭს ორი დღის განმავლობაში ეძებდნენ.

როგორც აჭარის პოლიციის დეპარტამენტის უფროსმა კონსტანტინე ანანიაშვილმა განაცხადა, სოფელ ჯოჭოში სამაშველო ოპერაცია დასრულდა.

"საძიებო სამაშველო სამუშაოები დასრულებულია, ვიპოვეთ არასრულწლოვნის ცხედარი, რომელსაც ამ წუთებამდე ეძებდა სამაშველო სამსახური. გრძელდება შუახნის მამაკაცის ძებნის სამუშაოები, რომელიც მდინარემ წაიღო, მადლობა მინდა გადავუხადო ყველა მეხანძრე - მაშველს, რომელიც ჩართული იყო ოპერაციაში" - განაცხადა აჭარის პოლიციის დეპარტამენტის ხელმძღვანელმა კოტე ანანიაშვილმა.

შეგახსენებთ, რომ მეწყერი ხელვაჩაურის მუნიციპალიტეტში 1 ოქტომბერს, გვიან ღამით ჩამოწვა. შემთხვევის შედეგად საცხოვრებელი სახლი და ავტომობილი მიწის მასის ქვეშ მოექცა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ტრამპი ფაშინიანს არჩევნებში გამარჯვებას ულოცავს

როგორ შეცვალა ციფრულმა განვადებამ E-commerce გაყიდვები საქართველოში

ივანიშვილის ყოფილი პირადი მცველი შს მინისტრის მოადგილედ დაინიშნა

ნანუკა ჟორჟოლიანი ენმ-სთან კონსულტაციებს ადასტურებს