2020-08-26 16:22:18, 4567 ნახვა

---

კოკო ღიბრაძე შაქარაშვილის საქმეზე - ბრალდებულების ადვოკატები უბრალოდ თითს იშვერენ ჩვენკენ, ვინაიდან არც ერთ კითხვაზე არ აქვთ მათ პასუხი

„ბრალდებულების ადვოკატები უბრალოდ თითს იშვერენ ჩვენკენ, ვინაიდან არცერთ კითხვაზე არ აქვთ მათ პასუხი“ , - ამის შესახებ შაქარაშვილის საქმის ერთ-ერთმა მოწმემ, კოკო ღიბრაძემ სასამართლო პროცესი გადადების შემდეგ ჟურნალისტებთან განაცხადა.

მან ასევე აღნიშნა, რომ მათ წინააღმდეგ მიმდინარეობს საინფორმაციო ომი, რომელსაც კონკრეტული ადვოკატები აწარმოებენ.

“რა თქმა უნდა, იმ ინფორმაციის მიწოდებას ვაპირებდი, რაც აქამდე მქონდა მიწოდებული საგამოძიებო ორგანოებისთვის და იგივეა, რაც პირველ და მეორე ჩვენებაში მიწერია.

ბრალდებულების ადვოკატები უბრალოდ თითს იშვერენ ჩვენკენ, ვინაიდან არცერთ კითხვაზე არ აქვთ მათ პასუხი. უბრალოდ, ცდილობენ სიტუაციის არევას და სიტუაციიდან დაძრომას.

რაც შეეხება იმ საინფორმაციო ომს, რასაც კონკრეტული პიროვნებები და ადვოკატები აწარმოებენ, ვინაიდან ჩვენ ხშირად არ ვთანამშრომლობთ მედიასთან, ეს იმას არ ნიშნავს, რომ სიმართლის დადგენა არ გვინდა, ან არ გვინდა დაისაჯონ ის პირები, ვინც გიორგის მკვლელობაში მონაწილეობენ. ეს ყველაფერი გამოწვეულია იქიდან, რომ მედიის საშუალებითაც ხდება ამით მანიპულირება და ჩემთვის პირადად, როგორც მოწმისთვის მიუღებელია ეს” , - განაცხადა კოკო ღიბრაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი