2020-07-25 10:37:29, 6836 ნახვა
მსოფლიო
სინგაპურელმა მამაკაცმა აღიარა, რომ აშშ-ში ჩინეთის ხელისუფლების სასარგებლოდ ჯაშუშობდა
სინგაპურელმა მამაკაცმა,იუნ უეი იეომ აღიარა, რომ აშშ-ში ჩინეთის სასარგებლოდ ჯაშუშობდა.
მას ჩინეთისთვის საიდუმლო ინფორმაციის შეგროვებაში ადანაშაულებენ.
ამის შესახებ ინფორმაციას გავლენიანი გამოცემა BBC ავრცელებს. როგორც გამოცემა წერს, მამაკაცი 2015-2019 წლებში პოლიტიკური კონსულტანტის პოზიციაზე მუშაობდა. ის ჩინეთის ხელისუფლებისთვის არასაჯარო ინფორმაციას აგროვებდა და გადასცემდა.
ცნობისთვის, აღნიშნული პიროვნება 2019 წელს დააკავეს. აღსანიშნავია ისიც, რომ ჩინეთსა და აშშ-ს შორის ურთიერთობები ბოლო პერიოდში დაიძაბა. აშშ-მ ჰიუსტოინში ჩინეთის საკონსულო დახურა, რის საპასუხოდან გუშინ პეკინის გადაწყვეტილებით, ქალაქ შენგდუში მდებარე აშშ-ის საკონსულოც დახურეს.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
