ირაკლი ჩიქოვანი - დღეიდან ლენტეხის რაიონში შესვლა და გამოსვლა აიკრძალა

2020-04-10 19:24:53, 1389 ნახვა

კომენტარი

პრემიერ-მინისტრის პრესსპიკერის ირაკლი ჩიქოვანის განცხადებით, დღეიდან ლენტეხის რაიონში შესვლა და გამოსვლა აიკრძალა.

მისივე თქმით, მხოლოდ და მხოლოდ, ადგილობრივ მოსახლეობას ექნება საშუალება, რომ გადაადგილდეს იმ აუცილებელი საჭიროებისათვის, როგორიც არის საკვების შეძენა, წამლების შეძენა ან კიდევ სამედიცინო მომსახურების მიღება.

„დღეიდან საგანგებო მდგომარეობით დაწესებული შეზღუდვების გარდა, ლენტეხში იქნება აკრძალული შესვლა და გამოსვლა. მხოლოდ და მხოლოდ ,ადგილობრივ მოსახლეობას ექნება საშუალება, რომ გადაადგილდეს იმ აუცილებელი საჭიროებისათვის, როგორიც არის საკვების შეძენა, როგორიცაა წამლების შეძენა ან კიდევ სამედიცინო მომსახურების მიღება“, - განაცხადა ირაკლი ჩიქოვანმა.

შეგახსენებთ, რომ ლენტეხის მუნიციპალიტეტში სრული კარანტინის რეჟიმი გამოცხადდა და რაიონი ჩაიკეტა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან