„თიბისი“ ბანკის წარმომადგენლის, გიორგი თხელიძის განცხადებით, საბანკო სერვისების მიწოდება ყველა რეგიონში უწყვეტად მიმდინარეობს.

ამის შესახებ მან საკოორდინაციო საბჭოსთან შეხვედრის შემდეგ განაცხადა.

როგორც მან აღნიშნა, მომდევნო 2-3 თვის განმავლობაში ბიზნესის საჭიროებისთვის ყველა მექანიზმი შექმნილია.

„შეხვედრის მიზანი იყო ბიზნეს სექტორთან ერთად გვემსჯელა არსებულ მდგომარეობაზე. ჩვენ დავუდასტურეთ, რომ ყველა საბანკო სერვისის მიწოდება ყველა რეგიონში არის უწყვეტი, რაც საკმაოდ მნიშვნელოვანია. შემდგომი საკითხი იყო, რა უნდა გაკეთდეს ბიზნესების მხრიდან, რომ ერთის მხრივ თანამშრომლების ჯანმრთელობა იყოს დაცული და ის ბიზნეს სექტორები, რომლებსაც შეუძლიათ დღეს მუშაობის გაგრძელება, როგორ შეგვიძლია ამას ხელი შევუწყოთ. ალბათ, აქ ძალიან ბევრი ქმედება პასუხისმგებლობის გადანაწილებაზეა, რასაც მთავრობა აკეთებს. ბანკების მხრიდან ინტენსიურად ვმუშაობთ ყველა ბიზნესთან, რომელიც გაჩერდა რომ მივეხმაროთ ამ პრობლემის გადაგორებაში. ხოლო ის ვინც აგრძელებს მუშაობას, ინფრასტრუქტურული პროექტები, სამშენებლო პროექტები მაქსიმალურად ჰქონდეს საქმიანობის გაგრძელების საშუალება. უნდა მივყვეთ პროცესებს, მომდევნო 2-3 თვის განმავლობაში უკვე ყველა მექანიზმი გვაქვს შექმნილი იმისათვის, რაც ბიზნესს სჭირდება. დანარჩენს კი უნდა დავაკვირდეთ როგორ წარიმართება“, - განაცხადა გიორგი თხელიძემ.

მისი თქმით, სესხების გადავადების პროცესი საკმაოდ ეფექტურად მიმდინარეობს.

„სესხების გადავადების პროცესში ჩაერთო ძალიან დიდი ნაწილი და ეს პროცესი ეფექტურად მიმდინარეობს. დიდ ნაწილს ვცდილობთ, რომ დისტანციურად გავაკეთოთ, რაც მნიშვნელოვანია, რათა მოსვლა არ მოუწიოთ მომხმარებლებს. რა თქმა უნდა, გარკვეული ნაწილი მოდის ფილიალებში, მაგრამ არის საკმაო რაოდენობა, ვისაც არ სჭირდება გადავადება და ამას ჩვენთან წინასწარ აცხადებს“, - განაცხადა გიორგი თხელიძემ.

ავტორი: ექსპრესნიუსი,

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი