,,ქართული ოცნება-დემოკრატიული საქართველოს”  ახალგაზრდული ორგანიზაციის წევრები მოხალისეთა ერთიანი შტაბის დაფუძნების ინიციატივით გამოდიან. ამის შესახებ დღეს გამართულ ბრიფინგზე „ქართული ოცნება - დემოკრატიული საქართველოს“ ახალგაზრდული ორგანიზაციის“ თავმჯდომარე გიორგი ჩაკვეტაძემ განაცხადა.

მისი თქმით, მოხალისეთა შტაბი  ჯანდაცვის სამინისტროსთან კოორდინაციითა და მინისტრ ეკატერინე ტიკარაძის ხელშეწყობით დაგეგმავს და ჩაერთვება ყველა საჭირო ღონისძიებაში. 
„კორონა ვირუსის პანდემიამ მთელი მსოფლიო და მათ შორის საქართველო, მნიშვნელოვანი გამოწვევების წინაშე დააყენა. პირველი რიგში მინდა მადლობა გადავუხადო ყველა იმ ადამიანს, ვინც განსაკუთრებულ რეჟიმში ზრუნავს საზოგადოებაზე. აუცილებელია, რომ ვირუსის გავრცელების წინააღმდეგ ბრძოლაში ყველამ ჩვენი წილი პასუხისმგებლობა ავიღოთ და არსებული რისკების შემცირებაში ჩვენი წვლილი შევიტანოთ.  ჩვენი ახალგაზრდული ორგანიზაცია ისევე როგორც დღეს, კრიტიკულ ვითარებაში ყოველთვის ცდილობდა საზოგადოებისა და სახელმწიფოს მიმართ თავისი მხარდაჭერა და სოლიდარობა გამოეცხადებინა.  

სწორედ ამიტომ,  ,,ქართული ოცნება - დემოკრატიული საქართველოს’’ ახალგაზრდული ორგანიზაციის წევრები გამოვდივართ ინიციატივით, შეიქმნას მოხალისეთა ერთიანი შტაბი. მიგვაჩნია, რომ ეს შტაბი სახელმწიფო უწყებებს, საზოგადოებას, ექიმებსა და ვირუსის გავრცელების წინააღმდეგ მებრძოლ თითოეულ ადამიანს მნიშვნელოვან დახმარებას გაუწევს.  დედაქალაქის მერის კახა კალაძის პირადი ინიციატივის შესაბამისად, 14 მარტს ჩვენმა ორგანიზაციამ მოხალისეობრივ საქმიანობაში ჩართვის მზაობა გამოთქვა. ჩვენი აქტივისტები 16 მარტის შემდეგ, თბილისის მერიის სპეციალური სერვისების მიწოდებაში აქტიურად მონაწილეობენ. მოხალისეთა შტაბი  ჯანდაცვის სამინისტროსთან კოორდინაციითა და მინისტრ ეკატერინე ტიკარაძის ხელშეწყობით დაგეგმავს და ჩაერთვება ყველა საჭირო ღონისძიებაში.  დღეიდან, ვაფუძნებთ შტაბს და სურვილის შემთხვევაში გელოდებით ყველას, განსაკუთრებით კი ახალგაზრდებს. საქმე ჩვენს ქვეყანას ეხება. ეს არის ზეპარტიული საქმე და ჩვენი კარი ყველასთვის ღიაა” - განაცხადა გიორგი ჩაკვეტაძემ.

„ქართული ოცნების“ ახალგაზრდული ორგანიზაციის წევრის ნინი გიგინეიშვილის განცხადებით, მოხალისეობრივ საქმიანობაში ჩართვის მზადყოფნა გამოთქვა ,,პეტრე შოთაძის სახელობის თბილისის სამედიცინო აკადემიამ’’, რომლის ბაზაზეც მოხალისეები სპეციალურ ტრენინგს გაივლიან.
მისივე თქმით, შტაბში გაწევრიანება შესაძლებელია ელექტრონულად, ახლად შექმნილ ფეისბუქ გვერდზე - მოხალისე StopCOVID-19. 
„შტაბში შესაძლებელია გაწევრიანდეს მოქალაქე, რომელსაც განცხადების გაკეთების დღისთვის შეუსრულდება 18 წელი. გაწევრიანება შესაძლებელია ელექტრონულად ახლად შექმნილ ფეისბუქ ფეიჯზე - მოხალისე StopCOVID-19. 
ტრენინგების გავლის შემდეგ მოხალისეები მომზადებულები იქნებიან ნებისმიერ სივრცეში, ვირუსის დამატებით გავრცელების რისკების მაქსიმალურად შესამცირებლად. გადამზადებულ მოხალისეებს გადაეცემათ ოფიციალური ბეიჯები.  

თბილისის 2015 წლის ივნისის მოვლენებმა და სვანეთში 2018 წლის ივლისში მომხდარმა სტიქიამ მოხალისეების კოორდინაციის მნიშვნელობა ნათლად წარმოაჩინა. ამ მოვლენებმა აჩვენა, რომ ერთიან მოხალისეობრივ მოქმედებებს საერთო საქმეში მართლაც მნიშვნელოვანი წვლილის შეტანა შეუძლია. 
კიდევ ერთხელ მოგიწოდებთ, რომ შემოგვიერთდეთ. გავუფრთხილდეთ ერთმანეთს, დავიცვათ ჯანდაცვის მსოფლიო ორგანიზაციისა და შესაბამისი უწყებების რეკომენდაციები. ჩვენ შეგვიძლია დავეხმაროთ საზოგადოებას და ვირუსის შემდგომი გავრცელებისგან თავის დაცვა მაქსიმალურად ეფექტიანად შევძლოთ” - განაცხადა ნინი გიგინეიშვილმა

ავტორი: ექსპრესნიუსი,

სოციალური ქსელები

ირაკლი კობახიძე – საქართველო და თურქმენეთი სტაბილური და სანდო სავაჭრო პარტნიორები არიან

ახალქალაქში, საკუთარ სახლში, მამაკაცის ცხედარი იპოვეს

ვაკის პარკის შადრევნის საქმეზე დაკავებული ლაშა ფურცხვანიძე ციხიდან ვადაზე ადრე გაათავისუფლეს

უკრაინის რადამ ახალ პრემიერ-მინისტრად სერგეი კორეცკი დაამტკიცა