„ნებისმიერ ჩვენს კოლეგას, სტრატეგიულ პარტნიორს ვეტყვი მთელი პასუხისმგებლობით, სასამართლოს პოლიტიკური იარაღი „ქართული ოცნების“ ხელში არ არის“, - ასე გამოეხმაურა სტრატეგიული პარტნიორების მორიგ კრიტიკას საპარლამენტო უმრავლესობის ლიდერი მამუკა მდინარაძე.

მანვე აღნიშნა, რომ არასწორი იფორმაციის მიწოდების გამო წინა შემთხვევებშიც გაკეთდა მსგავსი შინაარსის განცხადებები.

„ნებისმიერ ჩვენს კოლეგას, სტრატეგიულ პარტნიორს ვეტყვი მთელი პასუხისმგებლობით, სასამართლოს პოლიტიკური იარაღი „ქართული ოცნების“ ხელში არ არის და საქართველოში ასე არასდროს არ იქნება. ჩვენ ვნახეთ წინა შემთხვევა, როდესაც არასწორი ინფორმაციის საფუძველზე კონკრეტული განცხადებები გაკეთდა და შემდეგ რამდენიმე დღის წინანდელი განცხადებები ვნახეთ, რომლებიც აბსოლუტურად პოზიტიური იყო. ძალიან სამწუხაროა, რომ ასეთი პრეცედენტი კიდევ დაფიქსირდა.თუ ვინმეს ამ საქმესთან დაკავშირებით რაიმე პრეტენზია უნდა ჰქონდეს ვინმესთან, ესაა სასამართლო, ხოლო მის მიმართ პრეტენზიები განიხილება სტრასბურგში“, - განაცხადა მამუკა მდინარაძემ.

ცნობისთვის, კონგრესმენი ადამ კინზინგერი და სენატორი ჯეიმს რიში გამოეხმაურნენ „ევროპული საქართველოს“ ლიდერის გიგი უგულავას დაკავებას და აღნიშნეს, რომ საქართველოს ხელისუფლებამ ოპოზიციურ პოლიტიკოსთა პოლიტიკური მოტივით დევნის გზა აირჩია.

ავტორი: ექსპრესნიუსი,

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება