„თავისუფლების გზა თუ გადის ციხეზე მზად ვარ მესამეჯერ წავიდე ციხეში“, - ამის შესახებ „ევროპული საქართველოს“ ლიდერმა გიგი უგულავამ განაცხადა.

მისივე თქმით, უვიცმა გაბინაშვილმა და უდიპლომო თადუმაძემ ბიძინა ივანიშვილის ბრძანება შეასრულეს.

„როგორც ცნობილია ივანიშვილმა თადუმაძის ხელით პრაქტიკულად იგივე საქმეზე, რაც მაქვს მოხდილი. ეს არის უსამართლო გადაწყვეტილება, ესაა პოლიტიკური გადაწყვეტილება და ესაა პირადად ივანიშვილის გადაწყვტილება. ბიძინა ივანიშვილმა ეს სასჯელი უვიცი გაბინაშვილისა და უდიპლომო თადუმაძის ხელით მომისაჯა.

არავითარი დაჭერა, გინდა პოლიტიკური ლიდერების და ნებისმიერი ჩვენგანის, არ შეგვაცვლევინებს ჩვენ აზრს და არ ვაპირებთ ბინძურ ვაჭრობაში გოგოლის პერსონაჟთან შესვლას. თავისუფლების გზა თუ გადის ციხეზე მზად ვარ მესამეჯერ წავიდე ციხეში. შეზღუდული სივრცე არის შესაძლბლობა და მეტი თავისუფალი დრო, შესაბამისად მე ამაზე არ ვწუხვარ.

მე არ ვაღიარებ არაფერს, არც ბრალს ვაღიარებ, მაგრამ ვიღებ სასჯელს. იმიტომ ვიღებ სასჯელს, რომ ივანიშვილის საქართველოში ციხე არის ის ადგილი სადაც ადამიანს შეუძლია იპოვნოს თავისუფლება“, - განაცხადა გიგი უგულავამ.

ცნობისთვის, დღეს „ევროპული საქართველოს" ლიდერს, გიგი უგულავას ე.წ „ფონდის" საქმეზე, უზენაესმა სასამართლომ 3 წლით პატიმრობის აღკვეთა მიუსაჯა.

ავტორი: ექსპრესნიუსი,

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

სუხიშვილების ღია სცენა თაკარა ახალი პროგრამით ბრუნდება, ღონისძიებების მხარდამჭერია SOLO (რ)

STEM განათლება მთელი საქართველოსთვის - BOG-ისა და კომაროვის ერთობლივი პროექტი

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას