„ივანიშვილმა ისეთი მასხარას დანიშვნა გადაწყვიტა გენერალური პროკურორის თანამდებობაზე, ბოლომდე რომ ენდობა“, - ამის შესახებ „ევროპული საქართველოს“ წევრმა გიგა ბოკერიამ განაცხადა.

ბოკერიამ აღნიშნა, რომ თუ ყოფილი გენერალური პროკურორი, ირაკლი შოთაძე კვლავ დაბრუნდება თანამდებობაზე, ეს იქნება საზოგადოების შეურაცხყოფა.

„ამ კაცის დაბრუნება გენერალური პროკურორის თანამდებობაზე იქნება კიდევ ერთი შეურაცხყოფა მთელი საზოგადოების, არა ოპოზიციის, არა როგორც ერთი ნაწილის. იმიტომ, რომ შოთაძე გადადგა, რადგან „ქართული ოცნების“ მომხრეები იყვნენ აღშფოთებულნი მისი საქციელით, ხორავას ქუჩის ტრაგედიის გამო. ახლა ამას აბრუნებს იმიტომ, რომ არის ისტერიკასა და აგონიაში. ივანიშვილმა ისეთი მასხარის დანიშვნა გადაწყვიტა გენერალური პროკურორის თანამდებობაზე, ბოლომდე რომ ენდობა“, - განაცხადა გიგა ბოკერიამ.

ცნობისთვის, დღეს, საქართველოს გენერალური პროკურორობის ერთი კანდიდატის შესარჩევად, საპროკურორო საბჭო სხდომას გამართავს და წარდგენილი 4 კანდიდატიდან, რომელთა შორის არის ირაკლი შოთაძე, კენჭისყრის შედეგად ერთს შეარჩევს, რომელსაც დასამტკიცებლად პარლამენტს წარუდგენს.  

ავტორი: ექსპრესნიუსი,

სოციალური ქსელები

საქართველოს ბანკის მხარდაჭერით, ვორკშოპი „SME ლიდერობა: სწრაფი ნაბიჯებით, დიდ გზაზე“ გაიმართა

მარკუს ლამერტი: ვიზების შეზღუდვები გამოწვეულია საქართველოს მიერ ევროკავშირის წინაშე აღებული ვალდებულებების დარღვევით

ელჩი: ირანის დიპლომატიამ დაამტკიცა, რომ შეუძლია პირდაპირი დიალოგი იქონიოს საზოგადოებასთან

PSP-ს კამპანია Cannes Lions-ის ორ ყველაზე პრესტიჟულ კატეგორიაში მოხვდა