„არც პროპორციული, არც რიგგარეშე არჩევნების არ გვეშინია, იმიტომ რომ ვიცით ვისთვის ვმუშაობთ“, - ამის შესახებ საპარლამენტო უმრავლესობის ლიდერმა გია ვოლსკიმ ჟურნალისტებს განუცხადა.

გია ვოლსკის თქმით, რიგგარეშე არჩევნებს უმრავლესობა არავითარ შემთხვევაში არ უნდა დათანხმდეს, თუმცა შიში, რომ ასეთი არჩევნები რაიმეს მოაკლებს „ქართულ ოცნებას“ არ არსებობს.

„იყო მოსაზრებები, რომ ხელისუფლება თავად თხოულობს და მიჰყავს ყველაფერი რიგგარეშე არჩევნებამდე, იცით თქვენ ამის თაობაზე. ჩვენთვის არ არის მიზანი რიგგარეშე არჩევნები, იმიტომ რომ ამ ქაოტურ სიტუაციაში რთული იქნება რიგგარეშე არჩევნების ჩატარება, თუმცა რატომაც არა.

დათანხმებით არავითარ შემთხვევაში არ უნდა დავთანხმდეთ, რეალურად ამის შიში, რომ რიგგარეშე არჩევნები რაიმეს მოაკლებს პოლიტიკურ პარტიას მე ვერ გეტყვით რომ არსებობს. ეს აბსულუტურად ჩვენს ინტრესებში არ არის, რომ საზოგადოებაში იყოს დაპირისპირება. არც პროპორციული, არც ვადამდელი არჩევნების არ გვეშინია, იმიტომ რომ ვიცით ვისთვის ვმუშაობთ“, - განაცხადა გია ვოლსკიმ.

ავტორი: ექსპრესნიუსი,

სოციალური ქსელები

ტრამპი: ერაყში მეტი ჯარისკაცი არ გვჭირდება

ზელენსკი: თუ პუტინი უკრაინაში წარმატებას მიაღწევს, ახალი ქვეყნების დაპყრობას შეეცდება

ტრამპი: რუსეთის წინააღმდეგ სანქციების კანონპროექტს შესაძლოა ირანი და ჰეზბოლა დაემატოს

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს