2019-11-12 11:23:15, 2088 ნახვა
სამართალი
ირაკლი ოქრუაშვილის სასამართლო პროცესი გადაიდო
„გამარჯვებული საქართველოს“ ლიდერის, ირაკლი ოქრუაშვილის სასამართლო პროცესი თბილისის საქალაქო სასამართლოში გადაიდო.
მომდევნო პროცესი 29 ნოემბერს 14:00 საათზე გაიმართება.
ირაკლი ოქრუაშვილის სასამართლო პროცესი თბილისის საქალაქო სასამართლოში დღეს, 10:00 საათზე უნდა დაწყებულიყო.
სასამართლოში ოქრუაშვილის თანაპარტიელებიც იმყოფებოდნენ. მათი თქმით, ირაკლი ოქრუაშვილი პოლიტპატიმარია და ხელისუფლების მხრიდან საკუთარი პოზიციის შეცვლის მოლოდინი არ აქვთ.
ცნობისთვის, თავდაცვის ყოფილი მინისტრი ირაკლი ოქრუაშვილი 25 ივლისს, 20-21 ივნისის მოვლენების საქმეზე დააკავეს, რომელსაც აღკვეთი ღონისძიების სახით პატიმრობა შეუფარდეს.
ავტორი: ექსპრესნიუსი,
epn.ge (@expressnews.ge)
