2019-10-17 13:53:37, 2289 ნახვა
პოლიტიკა
ალეკო ელისაშვილი თბილისის მერს დებატებში იწვევს
„სამოქალაქო მოძრაობის“ ლიდერი ალეკო ელისაშვილი, თბილისის მერს, კახა კალაძე დებატებში იწვევს.
როგორც ელისაშვილმა ჟურნალისტებს განუცხადა, დედაქალაქში სატრანსპორტო რეფორმამ სრული კოლაფსი განიცადა, რადგან მასზე არაკომპეტენტური ადამიანები მუშაობდნენ.
„არაკომპეტენტურმა, გაუაზრებელმა და არათანმიმდევრულმა სატრანსპორტო რეფორმამ შედეგად მოიტანა სატრანსპორტო კოლაფსი და ქალაქში გადაადგილება უბრალოდ შეუძლებელი გახდა. როგორც სახლის შენება არ შეიძლება დაიწყო სახურავიდან, ასევე არ შეიძლება ტრანსპორტის რეფორმა დაიწყო ტაქსებიდან და თუ ჩვენ ვითარების გამოსწორება გვინდოდა, უნდა გვებრძოლა არა შედეგთან, არამედ მიზეზთან“, - აღნიშნა ელისაშვილმა.
ავტორი: ექსპრესნიუსი,
epn.ge (@expressnews.ge)
