შერიგებისა და სამოქალაქო თანასწორობის საკითხებში სახელმწიფო მინისტრ პაატა ზაქარეიშვილის განცხადებით, ე.წ. საზღვარი არ გადმოწეულა.

როგორც ზაქარეიშვილმა თემის კომენტირებისას ჟურნალისტებს განუცხადა, ბანერი ოკუპირებული ტერიტორიის ფარგლებში გადაადგილდა და ადმინისტრაციული საზღვრების გარეთ არ გადასულა.

ზაქარეიშვილის თქმით, ბანერმა საქართველოში შექმნა გარკვეული ვნებათაღელვა იმაზე, რაც 2008 წლიდან არსებობს.

"არსებობს ტერიტორია ოკუპირებული, რომელიც დადგენილია კანონით ოკუპირებული ტერიტორიების შესახებ. ეს კანონი მიღებულია 2008 წლის 23 ოქტომბერს საქართველოს მიერ, ანუ სხვა ხელისუფლების დროს, სადაც მკაფიოდ წერია, რომ ოკუპირებული ტერიტორია არის ტერიტორია, რომელიც იყო ყოფილი სამხრეთ ოსეთის ავტონომიური ოლქის ტერიტორია, ეს ტერიტორია იყო საბჭოთა კავშირის დროს, ყველა ბანერი, ყველა მავთულხლართი, რაც კი გამართულა, დამდგარა, გადაწეულა, გადმოწეულა, ეს ხორციელდება ოკუპირებული ტერიტორიის ფარგლებში, ანუ იმ კანონის ფარგლებში, რომელიც "ნაციონალური მოძრაობის" დროს დადგინდა. ანუ, ოკუპირებული ტერიტორიის გარეთ, ყოფილი სამხრეთ ოსეთის ავტონომიური ოლქის გარეთ, ადმინისტრაციული საზღვრების გარეთ არ გადმოსულა არც ერთი ბანერი, არც ერთი მავთუხლართი.ბაქო სუფსის ნაწილი ახლა არ მოქცეულა იქ. ყოველთვის იყო, როგორც კი გაყვანილი იქნა ბაქო- სუფსის მილსადენი, გაყვანილი იქნა იმ ტერიტორიაზე, რომელიც ითვლებოდა ყოფილი სახმრეთ ოსეთის ავტონომიური ოლქის ტერიტორიად. 2008 წლამდე აკონტროლებდა საქართველოს მხარე, შემდეგ უკვე საოკუპაციო ჯარები. ეს, დაახლოებით, ისეთი რაღაცაა, წარწერა რომ გაჩნდეს კარზე, რომ იქ ცხოვრობს ზაქარეიშვილი, რომელიც ყოველთვის ცხოვრობდა.ამ ბანერმა საქართველოში შექმნა გარკვეული რაღაც ვნებათაღელვა იმაზე, რაც უკვე დიდი ხანია არსებობს, 2008 წლიდან.რაც ახლა ხდება, ეს ხდება 2008 წლის აგვისტოდან",-განაცხადა პაატა ზაქარეიშვილმა. შეგახსენებთ, 10 ივლისს, რუსეთის საოკუპაციო ძალების მიერ, გორის რაიონის სოფელ წითელუბნისა და ოკუპირებული ახალგორის რაიონის სოფელ ორჭოსანის მიმდებარე ტერიტორიაზე, თბილისი-გორის ცენტრალური ავტომაგისტრალის სიახლოვეს ე.წ. ,,საზღვრის“ აღმნიშვნელი ბანერები უკანონოდ იქნა აღმართული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში