დიდ დიღომში აფეთქების საქმეზე, „ყაზტრანსგაზის“ ყოფილ თანამშრომლებს 4-4 წლით თავისუფლების აღკვეთა შეეფარდათ

2019-10-15 14:31:26, 1687 ნახვა

სამართალი

თბილისის საქალაქო სასამართლომ, დიდ დიღომში საცხოვრებელ კორპუსში მომხდარი აფეთქების საქმეზე დაკავებულ „ყაზტრანსგაზის“ ყოფილ თანამშრომლებს, 4-4 წლით თავისუფლების აღკვეთა შეუფარდა.

სასამართლო პროცესზე დაცვის მხარემ დასკვნითი სიტყვა წარმოთქვა. დაკავებულები თავს დამნაშავედ არ მიიჩნევენ.

შეგახსენებთ, მიმდინარე წლის 16 იანვარს, დიდ დიღომში, საცხოვრებელ კორპუსში აფეთქებას 4 ადამიანის, მათ შორის, ერთი არასრულწლოვნის სიცოცხლე ემსხვერპლა. "ყაზტრანსგაზის" ყოფილ თანამშრომლებს ბრალი სისხლის სამართლის კოდექსის 220-ე მუხლის მეორე პრიმა ნაწილით აქვთ წარდგენილი, რაც სამსახურეობრივ გულგრილობას გულისხმობს.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან