ნატო-ს საპარლამენტო ასამბლეის პრეზიდენტმა, მედლინ მუნმა, ლონდონში, საპარლამენტო ასამბლეის სესიაზე გამოსვლისას საქართველოში რუსული ოკუპაციის შედეგებზე ისაუბრა.

როგორც მან აღნიშნა, რუსეთს სურს, გამყოფი ხაზი დადგენილი საზღვარი გახდეს და ქვეყანა არალეგალური გზებით დაყოს.

„რუსეთს სურს, რომ ეს გამყოფი ხაზი გახდეს დადგენილი საზღვარი და ცდილობს, არალეგალურად დაყოს საქართველო. ამის გამო, რუსეთი პერიოდულად სწევს საზღვარს, არ აქცევს ყურადღებას იმ მოსახლეობას, რომელთა ოჯახები და საკუთრება იყოფა“, - აღნიშნა მედლინ მუნმა.

ნატო-ს საპარლამენტო ასამბლეის პრეზიდენტმა ასევე გაიხსენა მავთუხლართებით გაყოფილი სოფელი ხურვალეთი და 88 წლის დათა ვანიშვილი, რომლის სახლიც 2008 წლის აგვისტოს ომის შემდეგ ოკუპირებულ ტერიტორიაზე დარჩა.

„მე ვესაუბრე ერთ-ერთ მოსახლეს, რომელიც ავადმყოფ ცოლთან ერთად ჩარჩა მავთულხლართების მიღმა და არ შეუძლია ოჯახის წევრების ნახვა, საკუთარი მიწის დამუშავება, რომელიც მავთულხლართების მეორე მხარესაა. ეს იყო ემოციური და მე პირობა დავდე, რომ ვისაუბრებდი ამაზე, ვისაუბრებდი არა მხოლოდ საერთაშორისო სამართლის დარღვევაზე, არამედ იქ მცხოვრები ადამიანებისა და მათი უფლებების დარღვევების შესახებ“, - განაცხადა მედლინ მუნმა.

წყარო: საზოგადოებრივი მაუწყებელი

ავტორი: ექსპრესნიუსი,

სოციალური ქსელები

აშშ-ში თავშესაფრის მისაღებად ყალბ ისტორიებს ქმნიდნენ – პროკურატურამ ბრალდება 4 პირს წარუდგინა

კალაძე: "დიფსთეითი" თანამედროვე მსოფლიოსთვის უდიდესი პრობლემაა

გაზსადენზე მომხდარი ავარიის გამო დიღომში, დიდ დიღომსა და გლდანის რაიონში 4600 აბონენტს გაზის მიწოდება შეუწყდა

მერიამ ე.წ. დეზერტირების ბაზრის მიმდებარედ გარემოვაჭრეების დახლები აიღო