იაპონიას ძლიერი ტაიფუნი სახელწოდებით "ჰაგიბისი" უახლოვდება, - ამის შესახებ japantoday იუწყება. 

მედია საშუალების ინფორმაციით, ტაიფუნი ტოკიოსა და მის შემოგარენს შაბათს, 12 ოქტომბერს დაატყდება თავს. სინოპტიკოსები სტიქიას 1958 წლის ტაიფუნ „იდას“ ადარებენ, რომელმაც 1200 ადამიანის სიცოცხლე იმსხვერპლა.

მედიის ცნობით, უსაფრთხოების უზრუნველსაყოფად ავიაკომპანიებმა 800-ზე მეტი რეისი უკვე გააუქმეს. გარდა ამისა, მიმოსვლას სარკინიგზო და საზღვაო კომპანიებიც აჩერებენ. შაბათ-კვირას სასწავლო პროცესიც შეწყდება.

ტაიფუნის მოახლოებასთან დაკავშირებით, იაპონიის პრემიერ-მინისტრმა სინძო აბემ მთავრობის წევრებს ყველა საჭირო ზომის მიღება დაავალა. 

მედიის ცნობით, ქარის სიჩქარე 216 კილომეტრ საათში აღწევს. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

უკრაინამ ბოლო 4 დღეში აზოვის ზღვაში 35 რუსულ ტანკერს დაარტყა

საქართველოს ბანკის მხარდაჭერით, ბათუმში მეწარმე ქალებისთვის ელ. კომერციის ვორქშოპი გაიმართება

ევროკომისარი აზერბაიჯანის პროკურატურისგან აფგან სადიგოვის დაკავებაზე განმარტებას ითხოვს

ლიტერატურული პრემია „საბას“ 2026 წლის ფინალისტები ცნობილია