შუახევის მერმა ფრიდონ ფუტკარაძემ საკრებულოს თავმჯდომარე გიორგი დავითაძესთან ერთად, ტაკიძეების საჯარო სკოლის მასწავლებელს შუშანა ტარიელაძესა და დღვანის საჯარო სკოლის მასწალებელს თამარ ტაკიძეს პროფესიული დღე მიულოცა და სამახსოვრო საჩუქარი გადასცა.

შუშანა ტარიელაძემ პროფესიული საქმიანობა ინწკირვეთის საჯარო სკოლიდან დაიწყო და ტაკიძეების საჯარო სკოლაში გააგრძელა. სხვადასხვა დროს ასწავლიდა მშობლიურ ენასა და ლიტერატურას, ისტორიას, სამართალმცოდნეობას. 2012 წლიდან კი დაწყებითი კლასის მასწავლებელია. მოსწავლე - ახალგაზრდობის აღზრდისა და განათლების საქმეს ემსახურება გულმოდგინედ და შესაშური ენერგიით, რისთვისაც არაერთი სიგელითა და მადლობის ბარათით არის დაჯილდოვებული. სერთიფიცირებული პედაგოგი ,,ესეების“ კონკურსის გამარჯვებული და პრეზიდენტის ჯილდოს მფლობელია. 2018 წელს გახდა წამყვანი, ხოლო 2019 წლის სექტემბრიდან მიენიჭა მენტორის სტატუსი.                                                    

50 წელია პედაგოგიურ საქმიანობას ეწევა დამსახურებული პედაგოგი თამარ ტაკიძე. 70 წლის პედაგოგი პროფესიას პირველად ტაკიძეების საჯარო სკოლაში ეზიარა. ოჯახის შექმნის შემდეგ მოღვაწეობა დღვანის საჯარო სკოლაში გააგრძელა და დღემდე მაღალი პასუხისმგებლობით ეკიდება მასზე დაკისრებულ მოვალეობას. სერთიფიცირებულმა პედაგოგმა არაერთი წარმატებული ადამიანი აღზარდა. დიდია ასევე მისი წვლილი მოსწავლეთა შემოქმედებით ოლიმპიადებსა თუ სხვა კონკურსებში მოპოვებულ წარმატებებში.                                             

„ქვეყნის მომავალი საკლასო ოთახიდან იწყება, ამიტომ მასწავლებლის როლი განუზომლად დიდია. თქვენ ხართ ის ადამინები, რომლებსაც მომავალი თაობის სწავლა-განათლების საქმეში უმნიშვნელოვანესი როლი და პასუხისმგებლობა გაკისრიათ, თქვენ ქმნით ჩვენი ქვეყნის წარმატებულ მომავალს. ვულოცავ ყველა მასწავლებელს პროფესიულ დღეს და პირველ რიგში, მადლობას ვუხდი მათ გაწეული ღვაწლისთვის და საპატიო შრომისთვის“, - აღნიშნა ფრიდონ ფუტკარაძემ.

(NS)

ავტორი: ექსპრესნიუსი,

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება