თბილისის ვიცე-მერმა ირაკლი ხმალაძემ და მერის მოადგილეებმა  გმირთა მოედანზე, საქართველოს ტერიტორიული მთლიანობისთვის ბრძოლაში დაღუპულ გმირთა მემორიალი გვირგვინით შეამკეს. 

„უკვე 26 წელია, ეს ტკივილი  ყველა ქართველს მოჰყვება. ჩვენ არასოდეს არ უნდა დავივიწყოთ ის ადამიანები,  რომლებმაც ქვეყნის მთლიანობისთვის ბრძოლას  თავი შესწირეს. ახლა მთავარი  ისაა, ერთად ვაშენოთ ერთიანი, ძლიერი სახელმწიფო და მშვიდობიანი გზით შევძლოთ ქვეყნის ტერიტორიული მთლიანობის აღდგენა“, - განაცხადა ირაკლი ხმალაძემ. 

სოხუმის დაცემიდან დღეს 26 წელი შესრულდა. სამხედრო დაპირისპირება აფხაზეთში 1992 წლის 14 აგვისტოს დაიწყო, 13 თვეს და 13 დღეს გაგრძელდა და 1993 წლის 27 სექტემბერს, სოხუმის დაცემითა და საქართველოს შეიარაღებული ძალების მარცხით დასრულდა.

(NS)

ავტორი: ექსპრესნიუსი,

სოციალური ქსელები

თბილისში 500 Global in Eurasia-ს მეათე ნაკადის დასკვნითი ღონისძიება, დემო დღე გაიმართა

PASHA Bank-ის IPO აზერბაიჯანში - თიბისი კაპიტალი ტრანზაქციის ექსკლუზიური ფინანსური მრჩეველი იყო

სტრასბურგის სასამართლომ ე.წ. FARA-ს და გრანტების კანონზე კომუნიკაციის ეტაპი დაიწყო

ვენესუელაში მიწისძვრის შედეგად დაღუპულთა რიცხვი 235-მდე გაიზარდა, 50 000 დაკარგულად ითვლება