პარლამენტში, სადაც ფრაქცია „ევროპული საქართველო“ მთავრობის ახალ შემადგენლობაში შემავალ კანდიდატებს უსმენს, დეპუტატმა ელენე ხოშტარიამ პრემიერობის კანდიდატ, გიორგი გახარიას მაკო გომურის წერილი წაუკითხა.

როგორც ხოშტარიამ აღნიშნა, გიორგი გახარია მაშინაც კი როცა პრემიერ-მინისტრად ინიშნება, საზოგადოებასთან ურთიერთობის ფორმად ტყუილს ირჩევს.

„მინდა წავიკითხო მაკო გომურის კითხვა, რომელმაც მთხოვა, რომ რადგან არ აქვს საშუალება პირადად დაგისვათ შეკითხვა, უბრალოდ წავიკითხო. ამ შემთხვევაში ჩემთვის ნამდვილად სასურველი იქნებოდა რომ სხვას გაეკეთებინა ეს, მაგრამ მიწევს ამ კითხვის წაკითხვა - „რატომ არიან აქციის მონაწილეები დღეს ციხეში და ადამიანი, რომელმაც თვალი გამომთხარა და ზაფხული ჯოჯოხეთად მიქცია, რატომ არის თავისუფალი?! თუ უდანაშაულო ხალხის უსაფრთხოებაზე არ ზრუნავს, რანაირად შესძლებს ქვეყნის მართვას, როცა მას პრეზიდენტზე მეტი უფლება აქვს. და თუ ამბობს, რომ ცეცხლის შეწყვეტის ბრძანება გაცემული იყო და არ დაემორჩილა ჯარი, რანაირად შესძლებს მართოს მთელი სისტემა და კიდევ, გადაეცით, რომ ისეთ სამართლიან მომავალს ვუსურვებ, როგორიც თვითონაა... “, - წაიკითხა ელენე ხოშტარიამ.

აღნიშნულს გახარიამ შემდეგი რეპლიკით უპასუხა: „მადლობა შეფასებისთვის“...

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კობახიძე თელავის სტიქიაზე - ნებართვები არასწორად იყო გაცემული. ასე მიმაჩნია, თუმცა შევისწავლით

აქტივისტ ისაკო დევიძეს საპროცესო შეთანხმება გაუფორმდა - ის საპატიმროს 6 თვეში დატოვებს

14-16 ივლისს საქართველოში მოსალოდნელია მაღალი ტემპერატურის ფონზე დროგამოშვებით ნალექიანი ამინდი

კობახიძე - ქვეყანა იმართება ეფექტიანად, მათ შორის ეკონომიკური თვალსაზრისით