ადვოკატი: ხაზარაძისა და ჯაფარიძის საქმეზე წინასასამართლო სხდომა გადაიდო

2019-09-06 14:31:06, 2676 ნახვა

სამართალი

„თიბისი ბანკის“ დამფუძნებლების მამუკა ხაზარაძის და ბადრი ჯაფარიძის საქმეზე წინასასამართლო სხდომა 10 ოქტომბრისთვის გადაიდო.

ამის შესახებ ადვოკატმა ზვიად კორძაძემ პრესკონფერენციაზე განაცხადა.

როგორც მან აღნიშნა, სასამართლო სხდომა, რომელიც 12 სექტემბერს უნდა გამართულიყო, სწორედ დაცვის მხარის შუამდგომლობით გადაიდო.

„12 სექტემბერს დანიშნული იყო წინასასამართლო სხდომა. ჩვენი შუამდგომლობის საფუძველზე, რომელიც სასამართლომ დააკმაყოფილა, წინასასამართლო სხდომა გადაიდო 10 ოქტომბრისთვის. ორი შუამდგომლობა, რომელითაც მიმართა სასამართლოს პროკურატურამ ანგარიშებზე ყადაღის დადების თაობაზე დაკმაყოფილდა. ორივე გადაწყვეტილების გასაჩივრების შედეგი არის უარი და შესაბამისად, ყადაღის გადაწყვეტილება დარჩა ძალაში“, - განაცხადა კორძაძემ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან