„ევროპული საქართველოს“ ერთ-ერთი წევრი ირაკლი აბესაძე პრემიერ-მინისტრის თანამდებობიდან მამუკა ბახტაძის გადადგომას ეხმაურება.

როგორც აბესაძემ აღნიშნა, გავრცელებული ინფორმაცია, რომ პრემიერის თანამდებობა შესაძლოა, შს მინისტრმა გიორგი გახარიამ დაიკავოს, ივანიშვილის მავნებლური ნაბიჯი იქნება.

„ივანიშვილი არაერთხელ დაპირისპირებია ქართულ საზოგადოებას და მათი ინტერესებისა და მოთხოვნების საწინააღდეგოდ არაერთი მავნებლური ნაბიჯი გადაუდგამს. ივანიშვილის მოტივაცია ამ შემთხვევაში შესაძლოა სხვადასხვანაირად აიხსნას. ერთი არის, რომ ამ ადამიანს უბრალოდ საერთოდ არ ესმის და რეალურად ვერც ვერასდროს ვერ ხვდებოდა იმ პრობლემებს, რომელიც საზოგადოებაში არსებობს, სწორედ ამიტომ იყო მისი გადაწყვეტილებები ბევრ შემთხვევაში არაადეკვატური და ამ შემთხვევაშიც მას არ აქვს წარმოდგენა რამხელა დანაშაული აქვს გახარიას ჩადენილი საზოგადოების წინაშე და მეორე, ის რომ მისი მთელი ძალაუფლება მთლიანად დგას ძალოვნებზე და დაკომპლექტებულია მთლიანად მისი ერთგულების მქონე ადამიანებით. ივანიშვილს სჭირდება პრემიერი, რომელიც  კიდევ  უფრო მეტად მორჩილი იქნება და კიდევ უფრო მეტად განუმტკიცებს მის გავლენებს ძალოვან სტრუქტურებს“, - განაცხადა ირაკლი აბესაძემ.

შეგახსენებთ, რომ დღეს მამუკა ბახტაძემ თანამდებობა დატოვა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კობახიძე- კასრების იმედზე რომ დაიწყეს ომი, იმიტომაც დაამთავრეს ორ დღეში მარცხით 2008 წელს

კობახიძემ მოიტყუა როცა თქვა, რომ 2011 წლის აქციის დარბევაზე დასავლეთს და ევროპულ სტრუქტურებს რეაქცია არ ჰქონიათ

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია