„მოგესალმებით დიქტატურაში“ - ნიკა გვარამია პროკურატურაში მივიდა

2019-08-09 19:36:24, 1393 ნახვა

სამართალი

„რუსთავი 2“-ის ყოფილი გენერალური დირექტორი ნიკა გვარამია მთავარ პროკურატურაში მეუღლესთან ერთად მივიდა.

გვარამია უწყებაში ბრალდების შესახებ დადგენილების წარდგენის მიზნით არის დაბარებული.

პროკურატურის შენობასთან გვარამიას მხარდამჭერები არიან შეკრებილი, მათ შორის ოპოზიციური პარტიის წარმომადგენლები, ჟურნალისტები და რიგითი მოქალაქეები. ისინი აცხადებენ, რომ "რუსთავი 2"-ის ყოფილი გენერალური დირექტორის წინააღმდეგ დაწყებული გამოძიება "ქართული ოცნების" თავმჯდომარის, ბიძინა ივანიშვილის მხრიდან პირადი ანგარიშსწორებაა.

შეგახსენებთ, ნიკა გვარამიას პროკურატურა სსკ-ის 220-ე მუხლით გათვალისწინებულ დანაშაულს ედავება (საწარმოში ხელმძღვანელობითი და წარმომადგენლობითი უფლებამოსილების გამოყენება ამ ორგანიზაციის კანონიერი ინტერესის საწინააღმდეგოდ, სხვისთვის გამორჩენის მიღების მიზნით, რამაც მნიშვნელოვანი ზიანი გამოიწვია).

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,