სააკაშვილმა 2008 წელს ღრმა ჭრილობა მიაყენა  საკუთარ საზოგადოებას და ქვეყანას , რაც დღემდე არ არის მოშუშებული, - ამის შესახებ ტელეკომპანია „იმედის“ ეთერში უმრავლესობის წევრმა დიმიტრი ხუნდაძემ განაცხადა.

მისი თქმით, მაშინდელმა ხელისუფლებამ, დაღუპული და დაჭრილი სამხედროები მიატოვა და თვითონ წითელ ხიდზე გასასვლელად რიგი ედგა.

„ამ დროს ადამიანებს ომის  თემაზე ცენზურა დაუწესეს, მხოლოდ უნდა ეზეიმათ, თითქოს რუსეთს  ნიღაბი ჩამოხსნეს და  მსოფლიოს მისი ზრახვები და ქმედებები დაანახეს, თითქოს სააკაშვილი იწყებს რუსეთის შინაარსობრივ განწყობაზე ისტორიის ფურცლების წერას.  რუსეთი დიდი ხანია იმპერიალისტური ზრახვებით ცნობილია მსოფლიოში“, - განაცხადა დიმიტრი ხუნდაძემ.

მისი თქმით, შეცდომების დაშვების უფლება არ გვაქვს, უნდა ვაღიაროთ ის, რაც რეალურად იყო და ამ აღიარებაში ტალიავინის დასკვნა მნიშვნელოვანი დოკუმენტია.

„მიხეილ სააკაშვილმა  სირაქლემას პოზიციაში ჩააყენა საკუთარი საზოგადოება, როდესაც ამ თემაზე საუბარზე ცენზი დაუწესა. ამ დროს საერთაშორისო თანამეგობრობა სწორედ ტალიავინის დოკუმენტით ხელმძღვანელობს. გარე სამყარო იყო ადეკვატური, ვიდრე მიხეილ სააკაშვილი.  ამიტომ ამას მოსდევს ორი ვალდებულება: ერთი - სიმართლის აღიარების და მეორე -  გააზრებული პოლიტიკა, რაც ქვეყნის და საზოგადოების ინტერესებში ჯდება და არა ერთი პანიკური მხოლოდ პიარზე მორგებული და მხოლოდ საკუთარი ხელისუფლებაში ყოფნის გამყარების მიზნით წარმოებული პოლიტიკა“, - განაცხადა დიმიტრი ხუნდაძემ.

(NS)

ავტორი: ექსპრესნიუსი,

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა