რუსი სენატორი ალექსეი პუშკოვი მიიჩნევს, რომ ქართველ მომღერალ ნინო ქათამაძეს, "რუსოფობიური განცხადებების" გამო, რუსეთში შესვლა უნდა აეკრძალოს, - ამის შესახებ "რია ნოვოსტი" იუწყება. 

მან ქათამაძეს ამორალური უწოდა. 

"ჩემი აზრით ქათამაძის განცხადებები, რომელმაც აღნიშნა, რომ ვერ იტანს რუსეთს, თუმცა ჩამოდის აქ კონცერტების ჩასატარებლად და ფულის საშოვნელად, ამორალური და ცინიკურია", - განაცხადა პოლიტიკოსმა. 

მისივე თქმით, რისეთში მიღებული პრაქტია, როდესაც "რუსოფობიური განცხადებების გამო, პოლიტიკოსები და საზოგადო მოღვაწეები ქვეყანაში არ შემოუშვიათ". 

"აქედან გამომდინარე გამოვდივარ ინიციატივით, რომ ნინო ქათამაძე ქვეყანაში არ შემოვუშვათ და ასეთივე გადაწყვეტილება მივიღოთ სხვა ადამიანების მიმართ, ვინც რუსოფობიურ განცხადებებს გააკეთებენ, მიუხედავად მათი სტატუსისა", - განაცხადა რუსმა სენატორმა. 

ცნობისთვის, მომღერალმა ნინო ქათამაძემ 20 ივნისს მოსკოვში კონცერტი გამართა. აღნიშნულს საზოგადოებაში ნეგატიური რეაქცია მოჰყვა. თბილისში დაბრუნების შემდეგ ქათამაძემ ანტისაოკუპაციო აქციის მონაწილეებს სიტყვით მიმართა, კონცერტის ჩატარებისთვის ბოდიში მოიხადა და აღნიშნა, რომ რუსეთში კონცერტს აღარ გამართავს. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის

სიკორსკი: რუსეთს პოლონეთზე თავდასხმის რესურსები არ აქვს, მაგრამ ისინი რაღაცას ამზადებენ

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს