„გამარჯვებული საქართველოს“ ლიდერი, ირაკლი ოქრუაშვილი საფრანგეთში იმყოფება.

 როგორც „ექსპრესნიუსისთვის“ გახდა ცნობილი, ოქრუაშვილმა მას შემდეგ დატოვა ქვეყანა, რაც შეიტყო, რომ შსს-ში მისი დაკითხვაა იგეგმებოდა.

ამასთან, „რუსთავი 2“-თან საუბრისას, ოქრუაშვილმა აღნიშნა, რომ მზადაა მისი დაკითხვა მაგისტრი მოსამართლის თანდასწრებით დისტანციურად მოხდეს.

„ერთი კვირის განმავლობაში დისტანციურ გამოკითხვაზე თანახმა ვარ, თუ არა, როცა ჩამოვალ ნებისმიერ დროს თანახმა ვარ. 28-ში დილას ჩავაბარე შს სამინისტროში წერილი, რომ თუ რამე სურდათ ეცნობებინათ დროულად, იმიტომ რომ 2 ივლისს მივემგზავრებოდი, იმის შემდეგ ჩემს ტელეფონზე არანაირი ზარი არ შემოსულა, თუ რამე უნდათ გამაგებინონ დროულად“, -  აღნიშნა ირაკლი ოქრუაშვილი „კურიერთან“ სატელეფონო საუბრისას.  

შეგახსენებთ, რომ 20-21 ივნისის რუსთაველის გამზირზე განვითარებული მოვლენების საქმეზე, გამოკითხვაზე „ნაციონალური მოძრაობის“ გიორგი ბარამიძე,  „გამარჯვებული საქართველოს“ ლიდერი ირაკლი ოქრუაშვილი  და „ევროპული საქართველოს“ ერთ-ერთი ლიდერი გიგი უგულავა გამოკითხვაზე დაიბარეს. უგულავას დაკითხვა მაგისტრი მოსამართლის თანდასწრებით მოხდება.

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა