სრულიად საქართველოს, თითოეულ საქართველოს მოქალაქეს, ჩვენს ემიგრანტებს მინდა მივულოცო საქართველოს დამოუკიდებლობის დღე", - ამის შესახებ საქართველოს პრემიერ-მინისტრმა მამუკა ბახტაძემ ჟურნალისტებს განუცხადა.

როგორც მთავრობის მეთაურმა აღნიშნა, საქართველოს დამოუკიდებლობისთვის თაობები მრავალი საუკუნის განმავლობაში იბრძოდნენ და ეს ბრძოლა დღესაც გრძელდება.

„ეს არის ჩვენი მთავარი ეროვნული დღესასწაული. საქართველოს მრავალსაუკუნოვან ისტორიაში თაობები იბრძოდნენ, რომ დღევანდელი დღე შემდგარიყო - საქართველო ყოფილიყო დამოუკიდებელი და თავისუფალი. ეს ბრძოლა საქართველოს თავისუფლებისთვის, ჩვენი მშვიდობისა და უკეთესი მომავლისთვის დღესაც გრძელდება. მე კიდევ ერთხელ მსურს ყველას, ვისაც საქართველოზე გული შესტკივა, ვისაც ამ წლების განმავლობაში წვლილი აქვს შეტანილი ჩვენი სახელმწიფოებრიობისათვის მადლობა გადავუხადო. დღეს ამავე დროს არის სიმბოლური დღე, 26 მაისი, მერაბ  კოსტავას დაბადების დღე. მას 80 წელი შეუსრულდებოდა. 2019 წელი არის ასევე სიმბოლური, რადგან საქართველოს პირველ პრეზიდენტს 80 წელი შეუსრულდებოდა. მე მინდა ქედი მოვიხარო მათი ნათელი ხსოვნის წინაშე, ყველა იმ გმირის წინაშე, რომელმაც დღევანდელი დღე მოიტანა", - განაცხადა მამუკა ბახტაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის