ზუგდისის მერობის კანდიდატის სანდრა რულოვსის განცხადებით, გაერთიანებულ ოპოზიციაში საპროტესტო აქციების დაწყების შესახებ გადაწყვეტილება მიიღეს.

მისი თქმით, აქციები ზუგდიდში დაიწყება, ყველა რეგიონს მოიცავს და თბილისში, პარტია "ქართული ოცნების" თავმჯდომარის ბიძინა ივანიშვილის სასახლესთან დასრულდება.

„გუშინდელი ე.წ. არჩევნების მერე, რომელიც არჩევნები კი არა, სპეცოპერაცია იყო, რომელიც თვეების განმავლობაში და განსაკუთრებით ბოლო დღეებში გრძელდებოდა, ჩვენ გადავწყვიტეთ, რომ საპროტესტო ტალღა ზუგდიდიდან უნდა დაიწყოს, მთელს ქვეყანას გადაედება და თბილისში, შუშის სასახლესთან, ივანიშვილის სასახლესთან დამთავრდება. ჩვენ მოვითხოვთ მის წასვლას ამ ქვეყნიდან, უნდა დაგვანებოს თავი, იმიტომ, რომ მისი მოქმედება, მისი ე.წ. მმართველობა არის ყველასთვის ყველანაირ ზღვარს გადასული. ჩვენ ივანიშვილს აღარ უნდა ჩავატარებინოთ არჩევნები, არ შეუძლია, არ ატარებს არჩევნებს. ამიტომ, ჩვენ ყველა უნდა დავირაზმოთ, მთელი ქვეყნის მასშტაბით, არ დავტოვებ არცერთ ქუჩას, უბანს, სოფელს და ქალაქს, ყველანი ერთად ხელიხელჩაკიდებულები უნდა მივიდეთ თბილისამდე და მოვიშოროთ ივანიშვილი. საპროტესტო ტალღა უკვე დაწყებულია და ჩვენ ჩვენს მეგობრებთან ერთად, მთელ გუნდთან ერთად ჩამოვყალიბდებით, რომელი რეგიონებიდან დავიწყებთ, მაგრამ ყველგან ვიქნებით და ხალხის ძალას ვაჩვენებთ ივანიშვილს, რადგან არჩევნები ამ ქვეყანაში არ ტარდება და ივანიშვილის გარეშე უნდა გავაგრძელო ამ ქვეყნის გადარჩენა და აღმშენებლობა,“ - განაცხადა სანდრა რულოვსმა.

ავტორი: ექსპრესნიუსი,

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა