საქართველოს დღეს კვიპროსის რესპუბლიკის პრეზიდენტი ნიკოს ანასტასიადისი, მეუღლესთან და დელეგაციასთან ერთად, პირველი ოფიციალური ვიზიტით ეწვია.

საქართველოს  და კვიპროსის რესპუბლიკის პრეზიდენტები პირისპირ და გაფართოებულ ფორმატში გამართავენ შეხვედრებს, გააკეთებენ მედიისათვის ერთობლივ განცხადებებს და მონაწილეობას მიიღებენ ორმხრივ დოკუმენტებზე ხელმოწერის ცერემონიაში.

დაგეგმილია შეხვედრები საქართველოს პრემიერ-მინისტრ მამუკა ბახტაძესთან  და პარლამენტის თავმჯდომარე ირაკლი კობახიძესთან.

ოფიციალური ვიზიტის ფარგლებში, კვიპროსის პრეზიდენტი ნიკოს ანასტასიადისი და მისი მეუღლე ანდრი ანასტასიადისი საქართველოს კათალიკოს პატრიარქს, ილია მეორეს შეხვდებიან.

დაგეგმილია ასევე საქართველო-კვიპროსის ბიზნესფორუმი, რომელშიც მონაწილეობას ბიზნესის წარმომადგენლებთან ერთად, საქართველოსა და კვიპროსის პრეზიდენტებიც მიიღებენ.

საქართველოს პრეზიდენტის ადმინისტრციის უფროსის, ლაშა ჟვანიას განცხადებით, კვიპროსის პრეზიდენტის ვიზიტს თავისუფლად შეიძლება ვუწოდოთ ისტორიული, რადგან კვიპროსის სახელმწიფოს მეთაური საქართველოში პირველად ჩამოდის.

„შეხვედრებზე განხილული იქნება საერთაშორისო ორგანიზაციებში კოორდინირებული მუშაობის საკითხები.

ჩვენ გვაქვს ტერიტორიული პრობლემები, სადაც გვჭირდება კვიპროსის მხარდაჭერა, როგორც ევროკავშირის, ასევე, გაეროს ფორმატში",- აღნიშნა ლაშა ჟვანიამ.

კვიპროსის რესპუბლიკის პრეზიდენტის ნიკოს ანასტასიადისის, ანდრი ანასტასიადისისა და კვიპროსის დელეგაციის ოფიციალური დახვედრის ცერემონია ხვალ სახელმწიფო ცერემონიების სასახლეში გაიმართება.

თბილისის შოთა რუსთაველის სახელობის საერთაშორისო აეროპორტში კვიპროსის რესპუბლიკის პრეზიდენტს დახვდნენ: საქართველოს ეკონომიკის განვითარების მინისტრი გიორგი ქობულია, საგარეო საქმეთა მინისტრის მოადგილე ვახტანგ მახარობლიშვილი, საქართველოს ელჩი კვიპროსის რესპუბლიკაში რევაზ ლომინაძე და საქართველოს პრეზიდენტის ადმინისტრაციის უფროსი ლაშა ჟვანია.

კვიპროსის რესპუბლიკის დელეგაციის შემადგენლობაში არიან:  კვიპროსის რესპუბლიკის საგარეო საქმეთა მინისტრი ნიკოს ხრისტოდულიდისი, კვიპროსის რესპუბლიკის მთავრობის სპიკერი პროდრომოს პროდრომუ, კვიპროსის რესპუბლიკის საგანგებო და სრულუფლებიანი ელჩი საქართველოში კირიაკოს კენევეზოსი, კვიპროსის რესპუბლიკის პრეზიდენტის დიპლომატიური სამსახურის დირექტორის მოადგილე ჰელენა მინა, კვიპროსის რესპუბლიკის დიპლომატიური სამსახურის წარმომადგენელი პანტელის პანტელიდისი, კვიპროსის რესპუბლიკის საგარეო საქმეთა სამინისტროს წარმომადგენლები: ნეოფიტოს კონსტანტინუ და ჯორჯ სტავრინუ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს