2019-04-01 13:42:38, 3060 ნახვა
მსოფლიო
უკრაინაში საპრეზიდენტო არჩევნების მეორე ტური გაიმართება
უკრაინაში საპრეზიდენტო არჩევნების მეორე ტური 21 აპრილს გაიმართება, - ამის შესახებ "რია ნოვოსტი" ცესკო-ს თავმჯდომარე ტატიანი სლიპაჩუკზე დაყრდნობით იუწყება.
როგორც სლიპაჩუკმა განმარტა, ამ დროისთვის ხმების 70%-ია დათვლილი. მისივე თქმით, ნათელია, რომ არჩევნებში მონაწილე ვერც ერთი კანდიდატი ვერ დააგროვებს პირველ ტურში გამარჯვებისთვის საჭირო 50%-ს.
ცნობისთვის, მეორე ტურში ერთმანეთს ცნობილი მსახიობი და შოუმენი ვლადიმერ ზელენსკი და ქვეყნის მოქმედი პრეზიდენტი პეტრო პოროშენკო დაუპირისპირდებიან. პირველადი შედგებით არჩევნების პირველი ტურის მიხედვით, ზელენსკი ლიდერობს. მსახიობმა ამ დროისთვის ხმების 30.45% მოაგროვა, ხოლო პეტრო პოროშენკომ 16.19%.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
