„ციხიდან გამოგზავნილი ჩემი წერილის ციტატა მეგონა. ჩვენც ზუსტად ამას ვამბობდით“, - ასე გამოეხმაურა „ევროპული საქართველოს“ ლიდერი, გიგი უგულავა, საქართველოს მესამე პრეზიდენტის მიხეილ სააკაშვილის განცხადებას, რომელიც „ერთიანი ნაციონალური მოძრაობის“ პარტიის თავმჯდომარის არჩევას ეხება.

როგორც მან აღნიშნა, ყოველგვარი ნიშნის მოგების გარეშე მიესალმება ამ პროცესს.

„მივესალმები ამ პროცესს. სიმართლე გითხრათ, დილით რომ გავიღვიძე და ვნახე, ციხიდან გამოგზავნილი ჩემი წერილის ციტატა მეგონა, მაგრამ ძალიან კარგია. ზუსტად ამას ვამბობდით მაშინაც, თუმცა ეს პროცესი დღეს ჩვენ უკვე აღარ გვეხება.

ნაციონალური მოძრაობის გადასაწყვეტია, ვინ იქნება პარტიის თავმჯდომარე. ფაქტია, რომ პარტიისთვის აუცილებელია თავმჯდომარე, რომელიც ადგილზე იქნება და ამაზე უკვე მიხეილ სააკაშვილმაც ილაპარაკა. ამას ვამბობდით ჩვენც თავის დროზე.  ყოველგვარი ნიშნის მოგების გარეშე მივესალმები ამ პროცესს“, - განაცხადა უგულავამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

TI ადამიანის უფლებათა ევროპულ სასამართლოში თბილისის საპროტესტო აქციების მონაწილის ინტერესებს დაიცავს.

ილჰამ ალიევმა დაამტკიცა საქართველოსთან ელექტროენერგიის მიწოდებისა და ტრანზიტის შესახებ შეთანხმება

ნანუკა ჟორჟოლიანი: „ერთიანი ნაციონალური მოძრაობის“ თავმჯდომარის თანამდებობის გაუქმება არ იგეგმება

WSJ: ისრაელმა აშშ-ს აცნობა, რომ ირანი ტრამპის მკვლელობას გეგმავს