პარლამენტის საგარეო ურთიერთობათა კომიტეტის თავმჯდომარის სოფო ქაცარავას განცხადებით, საქართველოს ხელისუფლება ამერიკის შეერთებული შტატების სახელმწიფო დეპარტამენტის ანგარიშს ყურადღებით ეცნობა და ითვალისწინებს.

როგორც ჟურნალისტებს ქაცარავამ განუცხადა, სახელმწიფო დეპარტამენტი მსგავს ანგარიშს ყოველწლიურად აქვეყნებს.

„სახელმწიფო დეპარტამენტის ანგარიშსა და საერთაშორისო ორგანიზაციების ანგარიშებს ყურადღებით ვეცნობით და ვითვალისწინებთ. ანგარიში არ არის შეფასებითი ხასიათის, ის ეყრდნობა გარკვეული ორგანიზაციების შეფასებებს. ეს არის მოსაზრებების კომპილაცია. ამ რეკომენდაციებს ყოველთვის ვითვალისწინებთ და გვეხმარება, რომ დაგეგმილი რეფორმები წარმატებით განვახორციელოთ“, – განაცხადა ქაცარავამ.

აშშ-ის სახელმწიფო დეპარტამენტმა მსოფლიოში ადამიანის უფლებების მდგომარეობის შესახებ ყოველწლიური ანგარიში გამოაქვეყნა. დოკუმენტში მსოფლიოს 200-მდე ქვეყანაა შეფასებული, მათ შორის საქართველო. ანგარიშში აღნიშნულია, რომ საქართველოს მთავრობამ გადადგა გარკვეული ნაბიჯები ადამიანის უფლებების დარღვევების გამოსაძიებლად, თუმცა ხარვეზები დარჩა.

(NS)

ავტორი: ,

სოციალური ქსელები

TI ადამიანის უფლებათა ევროპულ სასამართლოში თბილისის საპროტესტო აქციების მონაწილის ინტერესებს დაიცავს.

ილჰამ ალიევმა დაამტკიცა საქართველოსთან ელექტროენერგიის მიწოდებისა და ტრანზიტის შესახებ შეთანხმება

ნანუკა ჟორჟოლიანი: „ერთიანი ნაციონალური მოძრაობის“ თავმჯდომარის თანამდებობის გაუქმება არ იგეგმება

WSJ: ისრაელმა აშშ-ს აცნობა, რომ ირანი ტრამპის მკვლელობას გეგმავს