ოკუპირებულ გალის რაიონში გარდაცვლილ ირაკლი კვარაცხელიას ცხედარს სამხარაულის სახელობის ეროვნულ ბიუროში ექსპერტიზა ჩაუტარდა.

ექსპერტიზა 5 საათზე მეტ ხანს მიმდინარეობდა.

საბოლოო დასკვნამდე ცხედრიდან აღებული ნიმუშების ლაბორატორიული კვლევა უნდა ჩატარდეს.

ექსპერტიზის ცენტრ „ალტერნატივას“ ექსპერტმა ირაკლი თოიძემ განაცხადა, რომ გარდაცვლილს ყელზე თოკის კვალი აღენიშნება.

„არის თოკის ჩანართები, მეტი დაზიანებები ფაქტიურად არ არის და დამატებითი გამოკვლევების შემდეგ დადგინდება უფრო მეტი. დაზიანებები რაც ყელზე იყო, უმნიშვნელოა და სიცოცხლის დროინდელია თუ სიკვდილის შემდეგ განვითარებული, ამის დასადგენად ლაბორატორიული კვლევისთვის ავიღეთ ნაჭდები. რაც შეეხება შინაგან ორგანოებს ისინი ცხედრიდან ამოღებული, შემდეგ კი უკან ჩაბრუნებულია. თვითმკვლელობაა თუ მკვლელობა, ეს არის გამოძიების დასადგენი“, - განაცხადა ირაკლი თოიძემ.

ცნობისთვის, საქართველოს მოქალაქე ირაკლი კვარაცხელია გალში ე.წ. საზღვრის უკანონოდ კვეთის ბრალდებით 10 მარტს დააკავეს. ადგილობრივები აცხადებენ, რომ კვარაცხელიასა და ე.წ. მესაზღვრეებს შორის შელაპარაკება მოხდა, რის შემდეგაც მას ფიზიკურად გაუსწორდნენ. რაც შეეხება ოკუპირებული აფხაზეთის დე-ფაქტო უშიშროების სამსახურს, ისინი ირწმუნებიან, რომ კვარაცხელიამ თავი ჩამოიხრჩო. აღსანიშნავია, რომ გარდაცვლილის ნათესავები თვითმკვლელობის ვერსიას გამორიცხავენ. ირაკლი კვარაცხელიას ცხედარი საქართველოს ხელისუფლების მიერ კონტროლირებულ ტერიტორიაზე გუშინ საღამოს გადმოასვენეს.

ავტორი: ,

სოციალური ქსელები

საიამ მზია ამაღლობელის პოლიტიკური ბრალდების საქმეზე სტრასბურგში მეოთხე საჩივარი წარადგინა

თბილისში კაცი დაჭრეს

„არმია იარაღს კრემლის წინააღმდეგ მიმართავს“ უკრაინასთან ომის ვეტერანმა პუტინის წინააღმდეგ სამხედრო ამბოხება იწინასწარმეტყველა

ტრამპის ირანთან შეთანხმების შემდეგ, რუსული ნავთობის ფასი 50 დოლარამდე დაეცა