აჭარის ჯანდაცვის მინისტრმა ღვაწლმოსილ ექიმს, მემედ ჯინჭარაძეს 60 წლის იუბილე მიულოცა და სიგელი გადასცა

2019-03-07 12:02:51, 1659 ნახვა

რეგიონი

ღვაწლმოსილ ექიმს, ონკო-ქირურგს, მედიცინის დოქტორს, კლინიკა ,,მედცენტრის" ონკოქირურგიის დეპარტამენტის ხელმძღვანელს - მემედ ჯინჭარაძეს დაბადებიდან 60 წელი შეუსრულდა.

იუბილესა და აჭარის ავტონომიური რესპუბლიკის მოსახლეობის სამედიცინო მომსახურების საქმეში შეტანილი წვლილისათვის, აჭარის ა/რ ჯანმრთელობისა და სოციალური დაცვის მინისტრმა, ზაალ მიქელაძემ მემედ ჯინჭარაძეს სიგელი გადასცა.

ბათუმის მუნიციპალიტეტის მერმა, ლაშა კომახიძემ კი მედიცინის დარგში ხანგრძლივი და ნაყოფიერი საქმიანობიასთვის მემედ ჯინჭარაძეს დამსახურებული მოღვაწის წოდება მიანიჭა.

მემედ ჯინჭარაძეს პროფესიული საქმიანობის 34 წლიანი გამოცდილება აქვს, 1998 წლიდან ეწევა პედაგოგიურ საქმიანობას, არის არაერთი სამეცნიერო ნაშრომის ავტორი, ასევე საქართველოს ონკოლოგთა ასოციაციის წევრი. მინიჭებული აქვს საქართველოს საუკეთესო ექიმის წოდება, დაჯილდოებულია ღირსებით ორდენით და სხვადასხვა სიგელით.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები