„არასწორია ინფორმაცია, რომ უმრავლესობისთვის არ იყო ცნობილი ამ ინიციატივის მომზადების თაობაზე“, - ასე გამოეხმაურა საპარლამენტო უმრავლესობის წევრი ეკა ბესელია „ქართული ოცნების“ პოლიტსაბჭოს განცხადებას, რომელიც დღეს გამართულ ბრიფინგზე ჟურნალისტებს პარტიის აღმასრულებელმა მდივანმა, ირაკლი კობახიძემ გააცნო.

ბესელიას განმარტებით, მან საკითხი გუნდში ორჯერ დააყენა და იდეას გუნდის ყველა წევრი დაეთანხმა.

მისივე თქმით, არასწორია ასევე პოლიტსაბჭოს არგუმენტი, რომ მისი ინიციატივა მოსამართლეთა რაოდენობის შემცირებას ითვალისწინებს.

„მე ორჯერ დავაყენე მათ შორის ბოლო სხდომაზე საკითხი უვადოდ მოსამართლეთა გამწესების შეჩერებას დაუჭერდით თუ არა მხარს, იდეას დაეთანხმა ყველა. რაც შეეხება მეორე არგუმენტს, რომ ეს შეამცირებს მოსამართლეთა რაოდენობას ეს არ არის სწორი. სამწუხაროდ უმრავლესობის შიგნით და უმრავლესობისა და ფრაქციის შიგნით რომ არ მოხდა ამ დრომდე პროექტზე მსჯელობა, აი ეს იწვევს ასეთ არასწორ ინტერპრეტაციებს. ჩვენ არ ვამბობთ, რომ მოსამართლეები უნდა შევამციროთ, მე ვუჭერ მხარს იდეას, რომ მოსამართლეთა რაოდენობა გაიზარდოს და გაიზარდოს მნიშვნელოვნად, მაგრამ ასევე ვუჭერ მხარს, რომ სასამართლოს არსებული შემადგენლობა უნდა განახლდეს და უნდა შეიცვალოს. კიდევ ერთი, ჩვენ არ ვამბობთ ამ პროექტით, რომ ახალი მოსამართლეების შემოსვლა, სამი წლით გამწესება შეუძლებელია“, - განაცხადა ეკა ბესელიამ.

ცნობისთვის, „ქართული ოცნების“ პოლიტიკურმა საბჭომ დღეს განცხადება გაავრცელა, რომელშიც აღნიშნულია, რომ მოსამართლეთა დანიშვნის თაობაზე გუნდის ცალკეული წევრების, მათ შორის  ეკა ბესელიას მიერ მომზადებულ ინიციატივას საპარლამენტო უმრავლესობა მხარს არ დაუჭერს. პოლიტსაბჭოს შეფასებით, კანონპროექტი გუნდთან შეთანხმების გარეშე მომზადდა და საქართველოს მოქმედ კონსტიტუციას ეწინააღმდეგება.

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს