საგარეო საქმეთა მინისტრის, დავით ზალკალიანისთვის გაუგებარია რუსეთის ფედერაციის საგარეო საქმეთა სამინისტროს განცხადება, იმასთან დაკავშირებით, რომ 4 თებერვალს დაანონსებული სტუდენტების აქციის პარალელურად, რუსეთის მოქალაქეებმა თბილისში ​​გადაადგილებისგან თავი შეიკავონ.

როგორც ზალკალიანმა აღნიშნა, უცხოელ მოქალაქეებს საქართველოში არანაირი შეზღუდვა არ აქვთ.

„მართალი გითხრათ მეც გაოცებული და გაკვირვებული ვარ ამ განცხადებით, არ ვიცი რამდენად სერიოზულია ეს განცხადება. მიჭირს ამაზე კომენტარის გაკეთება. საქართველო აღიარებული არის მთელი მსოფლიო ცივილიზებული საზოგადოების მხრიდან, როგორც უსაფრთხო ქვეყანა, ევროკავშირის ბევრ ქვეყანას საქართველო უსაფრთხო ქვეყნების სიაშიც კი  ჰყავს შეყვანილი. არანაირი შეზღუდვა საქართველო უცხოელ მოქალაქეებს, მათ შორის რუსეთის ფედერაციის მოქალაქეებს არ ექმნებათ, ჩვენ გვყავს უპრეცედენტო დიდი რაოდენობის ტურისტები, რუსეთის ფედერაციისგან, ამიტომ ცოტა უცნაურია მსგავსი სახის განცხადების გაკეთება რუსთის საგარეო საქმეთა სამინისტროსგან“, - აღნიშნა ზალკალიანმა.

ავტორი: ,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე