ბესელია კილაძეს: თქვენ ნუ მასწავლით ადამიანის უფლებებს, თორემ დაიქცა ეს ქვეყანა [ვიდეო]

2018-12-27 16:28:17, 1812 ნახვა

პოლიტიკა

ადამიანის უფლებათა კომიტეტის თავმჯდომარემ სოფო კილაძემ დეპუტატ ეკა ბესელიას მიმართა და აღნიშნა, რომ მისთვის გასაგებია, თუ რატომ დატოვა "ნაციონალური მოძრაობის" წევრმა სალომე სამადაშვილმა იურიდიულ საკითხთა კომიტეტი.

კილაძის შეფასებით, „კომიტეტის თავმჯდომარე (ეკა ბესელია) ხალხს ლაპარაკის უფლებას რიგის მიხედვით არ აძლევს“.

აღნიშნულ განცხადებას კომიტეტის უკვე გადამდგარი თავმჯდომარე ეკა ბესელია გამოეხმაურა:

"კარგია, რომ ერთ პოზიციაზე ხართ თქვენ და სალომე სამადაშვილი. მე ეს ძალიან მახარებს", - ასე უპასუხა კილაძის კრიტიკას ბესელიმ.

ადამიანის უფლებათა დაცვის კომიტეტის თავმჯდომარემ აგრეთვე განაცხადა, რომ მის კომიტეტში თითოეულ ადამიანს აზრის გამოთქმის საშუალება ეძლევა, მიუხედავად მისი პოზიციისა.

ეკა ბესელიას არც ეს კომენტარი დაუტოვებია შეფასების გარეშე და სოფო კილაძეს მიმართა:

„ახლა თქვენ ნუ მასწავლით ადამიანის უფლებებს თორემ დაიქცა ეს ქვეყანა მართლა“.