რატიანი უმრავლესობას: პარლამენტის თბილისში გადატანა არის ბერია-სტალინის არქიტექტურაში დაბრუნება

2018-12-27 14:43:25, 1673 ნახვა

კომენტარი

„პარლამენტის ქუთაისიდან თბილისში გადატანა არის ბერია-სტალინის არქიტექტურაში დაბრუნება“, - ამის შესახებ „ევროპული საქართველოს“ წევრმა სერგო რატიანმა პარლამენტის რიგგარეშე სესიაზე განაცხადა.

როგორც მან აღნიშნა, პარლამენტის თბილისში გადატანა უკან გადადგმული ნაბიჯია.

„დღეს ბოლო სხდომაა ქუთაისის პარლამენტის შენობაში. ჩვენ 6 წლის განმავლობაში ვიცავდით იმ პრინციპს და იმ ჩანაწერს, რომ ქუთაისი ყოფილიყო საპარლამენტო დედაქალაქი. სწორედ ეს იყო განახლების, მომავლის, თანამედროვე საქართველოს სიმბოლო. თქვენ მიერ პარლამენტის გადატანა ქუთაისიდან თბილისში, ვფიქრობ, რომ არის უკან წარსულისკენ გადადგმული ნაბიჯი. ეს არის ბერია-სტალინის არქიტექტურაში დაბრუნება. ეს არის იმ რეალობაში დაბრუნება, როდესაც ელიტა ცხოვრობს ერთ ქალაქში, იქვე უნდა გადაირბინოს და იქვე მოაყომაროს მთელი ქვეყნის ბედი. ასევე, ეს არის სიმბოლო, როდესაც გვაქვს მაგალითად, ხუთოთახიან ბინა, გვინდა, რომ შევიყუჟოთ და ვიცხოვროთ ერთ ოთახში. ამიტომ ჩემთვის მძიმეა ის, რომ ეს არის დროებით გამომშვიდობება მომავლის საქართველოსთან“, - განაცხადა სერგო რატიანმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები