„ივანიშვილმა მოიტყუა, როცა თქვა, რომ რადიკალურად გადაიხედებოდა პენსიონერებისა და დევნილების შემწეობები, თუ თქვენ არ ემორჩილებით თქვენი პარტიის თავჯდომარის ამ მიმართვას?“, - ამ შეკითხვით მიმართა „ევროპული საქართველოს“ წევრმა ოთარ კახიძემ, ფინანსთა მინისტრს, ივანე მაჭავარიანს პარლამენტის საშემოდგომო პლენარულ სხდომაზე, სადაც 2019 წლის ბიუჯეტის პროექტს განიხილავენ.

როგორც კახიძემ აღნიშნა, პენსიების ზრდა ყოფილმა ფინანსთა მინისტრმა დააანონსა და ამ ინიციატივაში ახალი არაფერია.

„ჩემი კითხვა ეხება თქვენი პარტიის თავჯდომარის, ბიძინა ივანიშვილის გამოსვლას, რომელიც 5 ნოემბრით თარიღდება, ანუ სულ ერთი კვირის წინანდელი გამოსვლაა. ციტატა: „პენსიონერებისა და დევნილების შემწეობები რადიკალურად უნდა გადაიხედოს“. თქვენ წარმოდგენილ ბიუჯეტში, სადაც გვთავაზობთ 20 ლარიან ზრდას პენსიის, ეს უკვე გათვალისწინებული იყო შარშან, ანუ თქვენი წინამორბედი, ბატონი ქუმსიშვილი, როცა აქ ბრძანდებოდა, მან განაცხადა, რომ 20 ლარით გაიზრდებოდა 2019-ში და კიდევ 20 ლარით 2020-ში. ეს არ არის არც სიახლე, არც რადიკალური გადახედვა. ანუ ბატონმა ბიძინამ მოიტყუა, როცა თქვა, რომ რადიკალურად გადაიხედებოდა პენსიონერებისა და დევნილების შემწეობები, თუ თქვენ არ ემორჩილებით თქვენი პარტიის თავჯდომარის ამ მიმართვას და თქვენი ბიუჯეტი არის აცდენილი მის მოწოდებასთან?“, - მიმართა ოთარ კახიძემ.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა