მე ვიყავი საბჭოთა დიპლომატი და ამით ძალიან ვამაყობ, - ამის შესახებ გაერთიანებული ოპოზიციის პრეზიდენტობის კანდიდატმა გრიგოლ ვაშაძემ განაცხადა.

როგორც ვაშაძემ DW-სთან ინტერვიუში განაცხადა, მმართველი გუნდი ცდილობს ის რუსეთის აგენტად წარმოაჩინოს.

"არ მაქვს არანაირი პრობლემა, ვინაიდან ადამიანი, რომელიც თბილისში, 1958 წელს დაიბადა, სხვაგვარად ვერ იქნებოდა. მე ვიყავი საბჭოთა დიპლომატი და ამით ძალიან ვამაყობ. მე მონაწილეობა მივიღე მოლაპარაკებებში, რომელმაც ჩვენი ცხოვრება უფრო უსაფრთხო გახადა: ქიმიური იარაღის აკრძალვის შესახებ, ბირთვული ცდების აკრძალვის შესახებ. ფანტასტიური სკოლა გავიარე. არ ვიცი, როგორი პროფესიული კვალიფიკაცია გააჩნია ზურაბისვილს. როდესაც მოსახლეობა მე საგარეო საქმეთა საუკეთესო მინისტრად მასახელებს, ამით ვამაყობ. ე.წ. „ქართული ოცნება“ და ივანიშვილის ტელეარხები ცდილობენ ჩემს ბიოგრაფიაზე თამაშს, რომ თითქოსდა მე „კგბ“-ს აგენტი ვარ. ეს არ მუშაობს. ჩემი ცხოვრების 5 წელი რუსეთთან ბრძოლას დავუთმე და ამაში საკმაოდ წარმატებული აღმოვჩნდი. რუსეთი ვენესუელასთან, სირიასთან და ნიკარაგუასთან სამარცხვინო კომპანიაში დავტოვე. ჩემთვის აბსოლუტურად სულერთია, როგორი რეაქცია ექნება კრემლს ჩემ გამარჯვებასთან დაკავშირებით", - განაცხადა პრეზიდენტობის კანდიდატმა.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა