„ვფიქრობ, ბიძინა ივანიშვილის არის ის ადამიანი, რომელშიც ეჭვი არავის ეპარება, რომ მართვის სისტემებს ეფექტურად დაალაგებს“, - ასე გამოეხმაურა საპარლამენტო უმრავლესობის ერთ-ერთი ლიდერი გია ვოლსკი „ქართული ოცნების“ თავმჯდომარის ვიდეომიმართვას.

როგორც მან აღნიშნა, ერთობის განცდამ ბოლო პერიოდში ძალიან მოიკოჭლა და პარტიული მართვის სისტემა შეირყა.

,,მართვის ვერტიკალი მოშლილია და ბიძინა ივანიშვილის დაბრუნება პოლიტიკურ ასპარეზზე სულ რამოდენიმე თვის წინ, გარდა პოზიტივისა, იმის მომასწავებელიც იყო, რომ მძლავრი მუშაობა სჭირდება ამ ხარვეზების გამოსწორებას. ძალიან ბევრი სამართლებრივი ნაწილია მოსაგვარებელი. უშველებელი რაოდენობა სისხლის სამართლის საქმეებისა დაგვხვდა და  საკმაოდ მძიმე მემკვიდრეობა ამ გაღატაკებული ხალხის, მაგრამ  ამ საკითხების მოგვარებასაც გაცილებით სწრაფი მოქმედებები სჭირდება, რასაც აუცილებლად, უნდა ითქვას, რომ მოისაკლისებს ,,ქართული ოცნების’’ ხელისუფლება. ამისთვის საჭიროა მობილური ჯგუფების შექმნა და მართვის სისტემის გადალაგება. მე ვფიქრობ, ბიძინა ივანიშვილის არის ის ადამიანი, რომელშიც ეჭვი არავის ეპარება, რომ მართვის სისტემებს სწორედაც ეფექტურად დაალაგებს“, - განაცხადა გია ვოლსკიმ.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა