გაერთიანებული ოპოზიციის "ძალა ერთობაშია" საპრეზიდენტო კანდიდატი გრიგოლ ვაშაძე მთავრობის გადაწყვეტილებას კანაფის კულტივაციის კანონპროექტის გაწვევასთან დაკავშირებით ეხმაურება და აცხადებს, რომ ეს საზოგადოების გამარჯვებაა.

როგორც ვაშაძემ დღეს გამართულ ბრიფინგზე განაცხადა, ეს იყო მაგალითი, თუ რა შეუძლია საზოგადოებას თუკი ის გაერთიანდება.

"პირველ ტურში საქართველოს მოქალაქის, მთლიანად ქართული საზოგადოების, გაერთიანებული ოპოზიციის და ეკლესიის პოზიციამ ნაყოფი გამოიღო. მილიონმა ამომრჩეველმა უარი უტხრა ივანიშვილს, ე.წ. ქართულ ოცნებას, მილიონმა ამომრჩეველმა აიძულა ის, უარი ეთქვა კანაფის წარმოებაზე, ქვეყნის ნარკოპლანტაციად გადაქცევაზე და ხელისუფლების ნარკო-ბარიგად გადაქცევაზე. დღეს ხელისუფლებამ ვერ გაუძლო საქართველოს მოქალაქის წნეხს, რომელმაც კიდევ ერთხელ აჩვენა თავისი ძალა და ეს არის საქართველოს ყველა მოქალაქის, სამოქალაქო საზოგადოებისა და გაერთიანებული ოპოზიციის გამარჯვება. თუმცა ამავდროულად უნდა გვახსოვდეს, რომ თვითონ ბატონმა ივანიშვილმა აღიარა, რომ მარიხუანის წარმოება მისი იდეა იყო, რომ ის პირადდად არის ამაში დაინტერესებული, რომ პირადად აპირებს ამ პროექტის განხორციელებას, საკუთარი მოგებისთვის და დარწმუნებული იყავით, თუ მან ხელში ჩაიგდო პრეზიდენტის პოსტი, აუცილებლად, უმოკლეს ვადებში, ისევ შემოიტანს ამ კანონპროექტს პარლამენტში. არასოდეს ოლიგაქრი უარს იტყვის, როგორც ეს თავად განაცხადა, 500% მოგებაზე. მაგრამ ამ მიზანს ივანიშვილი ვერ მიაღწევს, იმიტომ, რომ მეორე ტურში საქართველოს მოქალაქის პოზიცია იქნება ისეთი ცალსახა და მკაფიო, როგორც ეს იყო პირველ ტურში. ჩვენ აუცილებლად გავიმარჯვებთ საპრეზიდენტო არჩევნებში", - განაცხადა გრიგოლ ვაშაძემ.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა