„ჩვენ არ უნდა დავკმაყოფილდეთ იმით, რომ გზა მხოლოდ მოიფრეზოს და ახალი საფარი გადაეგოს. ეს არ არის გაკეთებული საქმე“ - აღნიშნული განცხადება დედაქალაქის მერმა კახა კალაძემ მთავრობის სხდომაზე გააკეთა. 

მისი თქმით, ინფრასტრუქტურული სამუშაოები ფუნდამენტურად უნდა განხორციელდეს.

„ჩვენ თუ გვინდა, რომ წლების განმავლობაში არ შევეხოთ ამ კონკრეტულ ადგილებს, რა თქმა უნდა, ფუნდამენტურად უნდა მოხდეს სამუშაოების შესრულება. მე მხედველობაში მაქვს მიწის ქვემოთ ჩასვლა და იმის გაკეთება, რაც იქნება გასაკეთებელი, წყალი იქნება თუ სადენები, რომელიც გადადის ჰაერში. ყველაფერი მიწის ქვემოთ ჩავა. ყველა პროექტზე გვაქვს ერთნაირი მიდგომა და ანალოგიური დამოკიდებულება, რომ უნდა მოვაწესრიგოთ სანიაღვრეები, წყალარინების სისტემა, ყველაფერი, რაც გასაკეთებელია, რომ ისე არ დაგვემართოს, ახალი გზა გადავაგოთ და შემდეგ, რამდენიმე კვირაში გადათხრა მოგვიწიოს დაზიანებების გამო. ამას დრო სჭირდება და ამის გამო გარკვეული შეფერხებები იყო ქალაქში, მაგრამ ყველამ გავითავისოთ, რომ ეს ყველაფერი კეთდება თბილისისთვის და მისი მოსახლეობისთვის“, - აღნიშნა კახა კალაძემ. 

მისივე თქმით, 20 დღის ვადაში დასრულდება ჩიქოვანის ქუჩის რეაბილიტაცია. ამ მიზნით, სამუშაოების პირველ ეტაპზე, 10 დღის განმავლობაში  მოძრაობა გადაიკეტება ამირეჯიბის გზატკეცილიდან ტეხურას ქუჩის კვეთამდე. 

„საკმაოდ მასშტაბური სამუშაოები ჩატარდა. მხედველობაში მაქვს სანიაღვრე სისტემის მოწყობა, წყალარინების სისტემის მოწესრიგება, რომელიც ძალიან მძიმე მდგომარეობაში იყო და სერიოზულ პრობლემას ქმნიდა იქ მცხოვრები მოსახლეობისთვის. რა თქმა უნდა, გზის საფარი იქნება მოწესრიგებული, ასევე, საპარკინგე ადგილები. შეუძლებელი იყო მანქანა გაეჩერებინა იქ ადამიანს. თვითონ ქუჩაც ვიწროა და ამის შესაძლებლობა არ იყო, თუმცა ჩვენ რა რესურსიც გამოვნახეთ, შევქმენით დამატებითი საპარკინგე ადგილები და არსებულ საპარკინგე სივრცესაც მოვაწესრიგებთ“, - განაცხადა დედაქალაქის მერმა. 

მისივე თქმით, ადგილზე სამუშაოებს კომპანია „ჯორჯიან ვოთერ ენდ ფაუერიც“ ახორციელებს. 

კახა კალაძემ მადლობა გადაუხადა მოსახლეობას თანადგომისა და მხარდაჭერისთვის და აღნიშნა, რომ მომდევნო წლებში დედაქალაქში კიდევ უფრო მეტი ინფრასტრუქტურული პროექტი განხორციელდება. 

(NS)

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა